Oqý grantyna ıe bolǵan talapkerlerdiń tizimi qashan jarııalanatyny belgili boldy

Qazaqstan Respýblıkasy Bilim jáne ǵylym mınıstri A.Q.Aımaǵambetovtiń tóraǵalyq etýimen bilim berý granttaryn taǵaıyndaý jónindegi Respýblıkalyq komıssııa óz jumysyn bastady dep habarlaıdy Qamshy.kz aqparat agenttigi Mınıstrliktiń saıtyna silteme jasap.

Respýblıkalyq komıssııanyń quramyna memlekettik organdardyń, Ulttyq kásipkerler palatasynyń, joǵary oqý oryndary qaýymdastyǵynyń, rektorlar keńesi, BAQ, «Jas Otan» jastar qanaty, stýdentter Alıansy, úkimettik emes uıymdardyń, «ADAL BILIM» jobalyq keńsesiniń ókilderi, QR BǴM qyzmetkerleri kiredi.

Respýblıkalyq komıssııa otyrysynda Qazaqstan Respýblıkasynyń joǵary oqý oryndaryna qabyldaý boıynsha úlken daıyndyq jumysynyń qorytyndysy shyǵarylady.

Grant ıegerleriniń tizimi 5 tamyzǵa deıin jarııalanady.

Bul jyly bilim berý granttary bilim berý baǵdarlamalary toptary boıynsha taǵaıyndalatyn bolady. JOO-ǵa qabyldaý kezinde túsýshi odan ári qaraı oqý úshin naqty bilim berý baǵdarlamasyn tańdaıdy.

2019-2020 oqý jylyna 53 785 grant bólindi.

Memlekettik tapsyrystyń jalpy kóleminiń 47%-dan astamy ınjenerlik, óńdeý jáne qurylys jáne IT-tehnologııalar salasyna, 8276 grant pedagogıkalyq ǵylymdarǵa, 4088 grant jaratylystaný ǵylymdary, matematıka jáne statıstıka, 2200 grant qyzmet kórsetý, 1615 grant óner jáne gýmanıtarlyq ǵylymdarǵa, 2435 grant aýyl sharýashylyq ǵylymdar jáne veterınarııa, 2183 grant áleýmettik ǵylymdar, bıznes jáne ekonomıka salalaryna bólindi.

Kolledj bitirýshilerin olardyń beıini boıynsha mamandyqtarmen qysqartylǵan formada joǵary bilim alýyn qoldaý maqsatynda 3040 grant bólinip otyr. Jekelegen kategorııalar úshin kvotalar qarastyrylǵan (jetim balalar, múgedekter, aýyl jastary, qazaq dıasporasy jáne t.b.).

«Máńgilik el jastary – ındýstrııaǵa!» jobasy aıasynda aýyl jastary úshin 5109 grant bólindi.  

Bilim berý granttaryn taǵaıyndaý konkýrsyna 64 452 adam qatysýda, onyń ishinde 52 337 adam qazaq tili bólimine, 11 757 orys bólimine, 87 – aǵylshyn tilinde bilim alý úshin.  

Konkýrsqa qatysýshylar ishinde 5 824 «Altyn belgi» tósbelgisiniń ıegerleri bar, 224 jalpy bilim berý pánderinen halyqaralyq jáne respýblıkalyq olımpıadalar jeńimpazdary, 128 jalpy bilim berý pánderinen halyqaralyq jáne respýblıkalyq ǵylymı jarystardyń jeńimpazdary, 336 respýblıkalyq jáne halyqaralyq sporttyq jarystardyń jeńimpazdary. Olar tek UBT baldary teń bolǵan jaǵdaıda ǵana artyqshylyq quqyqqa ıe bolady.

Qabyldanǵan ótinishter nátıjeleri boıynsha konkýrstyń kóp bóligi daıarlaýdyń medısınalyq, jýrnalıstıka, quqyq, dızaın, pedagogıka jáne psıhologııa baǵyttarynda júrgiziledi dep kútilýde. Tehnıkalyq bilim berý baǵdarlamalary toby boıynsha IT, kommýnıkasııalyq tehnologııalar, bıologııalyq jáne aralas ǵylymdar aralyǵynda.

Komıssııa jumysynyń qorytyndysy boıynsha bilim berý granttaryn taǵaıyndaý nátıjeleri buqaralyq aqparat quraldarynda jarııalanady.  

Sonymen qatar, kópbalaly otbasylardan shyqqan adamdar men AÁK alýshylar úshin qosymsha 5 myń grant negizgi konkýrstan keıin beriletin bolady.

Bilim berý granty konkýrsyna JAO-ǵa ótinishterdi qabyldaý 5-10 tamyz aralyǵynda júzege asyrylady. Bilim granttaryn taǵaıyndaý 25 tamyzǵa deıin júrgiziledi.

Vıse-mınıstr Fatıma Jaqypovanyń aıtýynsha, granttar ulttyq biryńǵaı testileýden alǵan upaı sanyna qaraı taratylady. Alaıda úmitkerlerdiń upaıy teń bolsa, "Altyn belgi" ıegerleri, bir jyldyq eńbek ótili bar kolledj túlekteri, halyqaralyq jáne respýblıkalyq olımpıada, ǵylymı saıys men sport jarysynyń jeńimpazdary, jetim balalar men múgedekter basymdyqqa ıe boladyi. Al osy sanattaǵy talapkerlerdiń ishinen teń upaı jınaǵandar bolsa, attestat baǵasy eskeriledi.

"Attestattyń kórsetkishi de birdeı bolsa, túlektiń salalyq pánder boıynsha jınaǵan upaı sany esepke alynady. Basymdyǵy joq balalar arasynda da solaı. UBT-dan teń upaı jınasa, aldymen attestat, odan keıin salalyq pánniń upaıy eskeriledi", - dedi Jaqypova bilim granttaryn taǵaıyndaý jónindegi respýblıkalyq komıssııanyń búgingi otyrysynda.