• USD 378.65
  • EUR 430.07
  • RUB 6
  • CNY 55.1
26 Tamyz, 15:57:37
Nyǵmatýlın Parlamenttiń qos palatasyn birlesken otyrysqa shaqyrdy

15 Shilde, 2019 Taǵaıyndaý

Tamara Dúısenova jańa qyzmetke taǵaıyndaldy

Buǵan deıin «Nur Otan» partııasynyń hatshysy qyzmetin atqarǵan bolatyn

QR Eńbek jáne halyqty áleýmettik qorǵaý mınıstri Berdibek Saparbaev "Eńbek resýrstaryn damytý ortalyǵy" AQ-nyń ujymyna jańa basshy Tamara Dúısenovany tanystyrdy dep habarlaıdy Qamshy.kz aqparat agenttigi Mınıstrliktiń saıtyna silteme jasap.

Mınıstr Tamara Dúısenovanyń áleýmettik-eńbek salasyndaǵy tıisti bilimi men mol tájirıbesin atap ótip, birinshi kezekte turǵan birqatar máselelerdi mindettedi.

«Tamara Qasymqyzy áleýmettik-eńbek salasyn damytýǵa eleýli úles qosty, búgingi kúni eńbek naryǵynyń tıimdiligi men eńbek resýrstarynyń sapasyn arttyrý, áleýmettik jáne zeınetaqymen qamtamasyz etý, halyqty jumyspen qamtý, áleýmettik-eńbek salasyn sıfrlandyrý jáne el basshylyǵy qoıǵan basqa da tapsyrmalardy oryndaýda mol tájirıbesi bar», - dep atap ótti mınıstr.

Tamara Dúısenova Tashkent halyq sharýashylyǵy ınstıtýtyn bitirgen. Ekonomıka ǵylymdarynyń kandıdaty. Ár jyldary jaýapty basshylyq laýazymdarda jumys istegen. Shymkent qalasy ákiminiń birinshi orynbasary, Ońtústik Qazaqstan oblysy ákiminiń orynbasary, QR Eńbek jáne halyqty áleýmettik qorǵaý mınıstrliginiń vıse-mınıstri, jaýapty hatshysy, QR Densaýlyq saqtaý jáne áleýmettik damý mınıstri, QR Eńbek jáne halyqty áleýmettik qorǵaý mınıstri, «Nur Otan» partııasynyń hatshysy qyzmetterin atqardy.

Ortalyqtyń burynǵy basshysy Erbol Ospanov «ERDO» AQ-nyń birinshi vıse-prezıdenti qyzmetine aýysty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir