Qymbat kólik mingen kelinshek qalany shýlatty (vıdeo)

Qymbat kólik taqymdaǵan kelinshek búkil tarazdyq tártip saqshylaryn tik turǵyzdy. Baǵdarshamnyń qyzyl túsine pysqyrmaı ótken júrgizýshi, polıseılerden qashyp qutylmaq bolǵan. Sóıtip qalany shyr aınalyp qýǵynshylardy dińkeletken. Alaıda ol iz sýyta almaı, ustalyp tyndy dep habarlaıdy Qamshy.kz aqparat agenttigi KTK arnasyna silteme bere otyryp. 

Baǵdarshamnan zýyldap ótken «Toyota Land Cruiser» tártip saqshylarynyń nazaryna ilkken. Alaıda ol polıseılerdiń buıryǵyna baǵynýdyń ornyna, ekpinin arttyra túsipti. Tipti, júıitkigen júrgizýshi kóligimen joldaǵy mashınany qaǵyp ketken. Osylaısha, biraz ýaqyt boıy «shoý» jasaǵan 33 jastaǵy kelinshek  aqyry ustalyp tyndy. Polıseıler ony qaqpaılap ázer toqtatqan. Sonda da kelinshek mashınadan shyqpaı, esigin jaýyp alǵan. Keıin kúıeýi kelip, ashýy basylǵasyn esikti ashypty. Onyń quzyrly orynnan qashýy beker bolmapty. Ishimdik ishkeni anyqtalyp, endi ol qomaqty aıyppul tóleıtin boldy.

Aıta keteıik, júrgizýshi buǵan deıin de osy taqylettes áreketimen polıseılerdiń nazaryna ilikken.

Abaı Ibaqoja, Jol-patrýldik polısııa ınspektory:

 - Ishimdik ishken be?

 - Ishimdik ishken.