Balaly bolǵyńyz kelse...

Biz duǵa oqı bilemiz be? Men bul qaqynda sóz qozǵaıyn dep otyrǵanym joq. Ony túsindiretin óz adamdary bar. Meniń ortańyzǵa salarym, otbasy qurǵandar keıde bir balaǵa zar bolady, ne kindiginen ylǵı qyz bala órbip, murager bolar er bala kútedi, álde kersinshe, ul balalary bar da, qyz balany ańsaıdy. Jáne meni zamandastarymnyń ómir jaıly, erli-zaıyptylardyń qarym-qatynasy qaqyndaǵy túsinigi qaıran qaldyrady. Olardyń keıbiri úılenip, erli-zaıypty atansa boldy, bala ózinen-ózi paıda bolady dep qaraýy. Iá, Alla beredi. Biraq álgi túsinik boıynsha er men áıel balany plastalınnen, ne quıyrshyq qusatyp qamyrdan, álde býratıno sııaqty aǵashtan jonyp alardaı kórinedi. Aqıqatynda adam balany Alladan tileıdi. Alla ózi biledi kim bererin, ul ma, qyz ba? Degenmen sol meıirim ıesiniń ózi úıretken duǵasy bar, ol - kilt. Altyn kilt. Qazir medısına ǵylymynda er men áıel qatynasyna keste jasap, hromosoma eseptep degendeı, boıǵa ul, ne qyz bitirýin retteý jaıyn aıtyp júr ǵoı. Odan góri ulyq ıemizdiń óz sózi áldeqaıda tıimti, áldeqaıda artyq emes pe?

Mysalǵa, men óz basym "Ál-Ǵımran" súresiniń 38-aıatyn: "Rabbı háb lı mın ládýnká zýrrıııátán taıııbatan ınnáká sámıǵý-d duǵaı" (O, Jaratqan Iemiz, maǵan jaqsy urpaq syıla, óıtkeni sen duǵany estısiń!" degen duǵany oqyp júrdim, ómirge qyzym keldi. Shúkir ıbaly, ımandy bolyp ósip keledi. Sosyn "Saffat" súresiniń 100-aıatyn aýyzǵa aldym: "Rabbı háb lı mına-s-salıhın" (O, Jaratqan Iem! Salıhalylardyń ishinen maǵan ul ber.) Osy keıingi duǵanyń sharapatymen Aıbarys, Elnamys degen qos perzentim dúnıege keldi.

Keıin úı bolǵan dostaryma da osy duǵalardy berdim, olar da ul-qyzdy boldy. Áıelim jumysynda otyrǵanda qurbysy muń shaǵypty. Bizde eki qyz bar, úshinshige oılanyp júrmiz, qyz bolsa, aldyryp tastaıtyn bolarmyz, kúıeýim ul kerek dep otyr demeıdi me?! Muny estigen joldasym duǵany aýyzǵa alypty. Sodan ol áıeldiń kúıeýi maǵan kelip jolyqty. Esimi - Rýslan. Shetel kompanııasynda isteıdi eken. Bar shynyn aıtty. "Ul kerek" deıdi. Men bir táýip, áýlıe sekildimin, onyń pikirinshe. Sasyp qaldym. Sosyn duǵany dáret alyp oqý kerektigin, ishimdikten aýlaq bolǵannyń abzaldyǵyn aıttym. Ol "sóz berem, aınytpaı oryndaımyn" dep "Saffat" súresiniń 100-aıatyn alyp ketken, týra 9 aı 10 kún ótkende shekesi torsyqtaı uldy boldy. Allaǵa madaq!

Iá, duǵany oqýdyń da sharty bar, taza júrý kereksiń. Kim bolsa da bir perzentke zar adamdarǵa "Ánbııá" (Paıǵambarlar) súresiniń 89-aıaty kómek der edim: "Rabbı lá tázárnı fardan ýa ántá haırý-l-ýárısıná" (O, Jaratqan Iem! Meni jalǵyz qaldyrma. Sen mırasqorlardyń eń qaıyrymdysysyń.") Allaǵa qalaı senseń, onyń duǵasyna da solaı sengen abzal. Men bulardy bir bilimim asyp bara jatqan soń emes, áldebir adamdarǵa járdemi tıe me, tuıyqtan shyǵýǵa, qazaq sanyn sapaly kóbeıtýge bir sharapaty bola ma dep jazyp otyrmyn. Kóbimiz meshitke barmaımyz, ımamadarmen pikirlespeımiz, sondyqtan kerek etken musylman baýyrlarym jazyp alsyn dep sheshtim.

Bári de Jaratqannyń qolynda. Bul aıattar Jasaǵannyń quldaryna túsirgen uly ıgiligi ǵoı. Tek biz ony paıdalanbaımyz, asa mán bermeımiz. Áıtpese, duǵamen taý qoparýǵa bolady... Bári de Alla-Taǵalanyń pármeninde, dárgeıinde!

Derekkóz: islam.kz