Meksıka halqyna til tıgizgeni úshin jergilikti bir top turǵyn reseılik azamatty ólimshi etip sabady (VIDEO)

Birneshe kún buryn meksıkalyq bir top turǵyn reseılik bir er adamdy aıamaı ólimshi etip sabaǵan vıdeosy áleýmettik jelide keńinen taraldy, dep habarlaıdy Qamshy aqparattyq agenttigi.

Soqqyǵa jyǵýlarynyń basty sebebi: reseılik azamat jergilikti turǵyndarǵa qatysty aýyr sóz aıtyp, til tıgizgen eken. Namysty turǵyndar ózderine qaratylyp aıtylǵan aýyr ári balaǵat sózderdi estigende ashýǵa býlyǵyp, judyryqtasa bastaǵan. 

Vıdeoda kórinip turǵandaı, reseılik azamat bir top ashýly turǵyndardan qashyp, úıine tyǵylmaq bolǵan. Alaıda, oıy iske aspady. Úılerdiń terezesi synǵan, al er adamnyń denesinde saý tamtyq qalmaǵan. Reseılik er adamdy bar kúshterimen taıaqpen, temirmen uryp soqqan. Tekserý barysynda er adamnyń pyshaq jaraqatyn alǵany belgili boldy. Sonymen qatar, reseılik er adamnyń ózi de meksıkalyq turǵynnyń bireýin aýyr jaraqattap, saldarynan ol jan saqtaý bóliminde kóz jumǵan.

Ashýǵa býlyqqan meksıkalyq bir top turǵyn osylaısha reseılik azamatty óltirýge shaq qaldy. Sonymen qatar, AQSh-ta reseılik bir boıjetkenniń máıiti tabylǵan.

Al myna vıdeoda reseılik azamattyń meksıkalyq turǵyndardy qalaı balaǵattaǵany, til tıgizgeni kórsetilgen.

Sholýshy: Nazerke Labıhan