Dáýren Abaev – Aqparat jáne kommýnıkasııa mınıstri

Dáýren Abaev QR Aqparat jáne kommýnıkasııa mınıstri qyzmetine taǵaıyndaldy. Jańa mınıstrdi ujymǵa QR Premer-Mınıstri Kárim Másimov tanystyrdy, - dep habarlaıdy Qamshy.kz QazAqparatqa silteme jasap.

Dáýren Áskerbekuly Abaev 1979 jyly Almaty oblysynda týǵan. 2001 jyly Ál-Farabı atyndaǵy Qazaq memlekettik ulttyq ýnıversıtetin úzdik bitirgen. 2014 jyly Eýrazııa gýmanıtarlyq ınstıtýtyn támamdaǵan.

2001 jyldyń tamyzy men 2003 jyldyń tamyzy aralyǵynda Qazaqstan Respýblıkasy Syrtqy ister mınıstrliginiń ortalyq apparatynda jumys istedi.

2003 jyldyń mamyry men 2007 jyldyń mamyry aralyǵynda Qazaqstan Respýblıkasynyń Ázerbaıjandaǵy jáne Nıderlandy Koroldigindegi Elshilikterinde dıplomatııalyq qyzmet atqardy.

2007 jyldyń mamyry men 2007 jyldyń jeltoqsany aralyǵynda - Qazaqstan Respýblıkasy Syrtqy ister mınıstrliginiń Baspasóz qyzmeti bóliminiń bastyǵy.

2007 jyldyń jeltoqsany men 2008 jyldyń jeltoqsany aralyǵynda - Qazaqstan Respýblıkasy Prezıdenti Protokolynyń bas sarapshysy, konsýltanty.

2008 jyldyń jeltoqsany men 2009 jyldyń qazany aralyǵynda - Qazaqstan Respýblıkasy Prezıdenti Baspasóz hatshysynyń orynbasary.

2009 jyldyń qazanynan - Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.

2011 jyldyń qazanynda Memleket basshysynyń О́kimimen Qazaqstan Respýblıkasy Prezıdentiniń Baspasóz hatshysy bolyp taǵaıyndaldy.

2013 jyldyń shildesinen osy taǵaıyndaýǵa deıin Qazaqstan Respýblıkasy Prezıdentiniń keńesshisi - Qazaqstan Respýblıkasy Prezıdentiniń Baspasóz hatshysy qyzmetin atqardy.

I-synypty birinshi hatshy dıplomatııalyq dárejesi bar.

Qazaq, orys, aǵylshyn tilderin meńgergen.

«Qurmet» ordenimen marapattalǵan.