26 Qarasha, 2024 NEWS
Mereke Kóshekbaev Qarýly Kúshteri Qurlyq áskerleriniń bas qolbasshysy laýazymyna taǵaıyndaldy
Bul týraly Aqordanyń baspasóz qyzmeti habarlady.
Ashyq derekkózden
Buǵan deıin bul qyzmetti atqarǵan Asan Júsipov Memleket basshysynyń ókimimen Qazaqstan Respýblıkasynyń Qarýly Kúshteri Qurlyq áskerleriniń bas qolbasshysy laýazymynan bosatyldy.
Qazaqstan armııasynda general-maıor Mereke Kóshekbaev áskerı ýchılısheniń kýrsanttarynan «Ońtústik» óńirlik qolbasshylyǵy áskerleriniń qolbasshysyna deıin ótti.
Osy jyldar ishinde jaýyngerlik daıyndyqta jaýapty qyzmetter atqardy. Birneshe áskerı bólimderdiń qolbasshysy, Qazaqstan Respýblıkasy Qarýly Kúshteri Qurlyq áskerleri Aero-shabýyldaýshy áskerleriniń qolbasshysy boldy.
1997 jyly Almaty joǵary qurama qarý-jaraq komandalyq ýchılıshesin, 2007 jyly Ulttyq qorǵanys ýnıversıtetin, 2019 jyly Reseı Qarýly Kúshteri Bas shtabynyń Áskerı akademııasyn bitirgen.
2-dárejeli «Dańq», «Aıbyn» ordenderimen, vedomstvolyq nagradalarmen jáne mereıtoılyq medaldarmen marapattalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir