26 Qarasha, 2024 NEWS
Zapastaǵy ofıserler 2 jyl merzimge áskerge shaqyrylady
Qazaqstan Úkimeti 2024 jylǵy 20 qarashada «Zapastaǵy ofıserlerdi áskerı qyzmetke shaqyrý týraly» qaýly qabyldady.
Kórneki sýret
Úkimet qaýlysyna sáıkes, 2025 jyly áskerı qyzmetke jaramdy 915 ofıser eki jyl merzimge shaqyrylady. Olar 24 aı boıy QR Qarýly Kúshteri, Qorǵanys mınıstrligi, Ulttyq qaýipsizdik komıtetiniń shekara qyzmetinde, Ulttyq ulan, Tótenshe jaǵdaılar mınıstrliginde qyzmet atqarady.
«Zańda belgilengen tártippen 2025 jyly áskerı qyzmetke jaramdy jáne ony ótemegen zapastaǵy ofıserler 24 aı merzimge áskerı qyzmetke ofıserlik laýazymdarǵa shaqyrylsyn», — delingen qujatta.
Barlyǵy 915 adam shaqyrylady, onyń ishinde:
– Qazaqstan Respýblıkasynyń Qarýly Kúshteri, basqa da áskerleri men áskerı quralymdary – 700 adam;
– Qazaqstan Respýblıkasy Ulttyq qaýipsizdik komıtetiniń Shekara qyzmeti – 80 adam;
– Qazaqstan Respýblıkasy Ishki ister mınıstrliginiń Ulttyq ulany – 131 adam;
– Qazaqstan Respýblıkasy Tótenshe jaǵdaılar mınıstrligi – 4.
Qaýly 2024 jylǵy 3 jeltoqsanda kúshine enedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir