Foto: Ashyq derekkóz
Almatyda startaptar men IT ekojúıesin damytý jobasy aıasynda bıyl jyldyń basynan beri 2,5 mlrd teńge ınvestısııa tartylyp, 217 jańa jumys orny quryldy. Bul týraly Qamshy.kz aqparat agenttigi qalanyń sıfrlandyrý basqarmasyna silteme jasaı otyryp habarlady.
Megapolıste Ortalyq Azııada kıbersport pen oıyn ındýstrııasynyń basty habyn qurýǵa baǵyttalǵan Almaty Cyber Games (ACG) jobasy júzege asyrylýda. Sıfrlandyrý basqarmasy Setanta otbasy arnalarymen birqatar kelisim jasalyp, halyqaralyq deńgeıdegi iri sporttyq is-sharalar kórsetiletin yntymaqtastyq týraly memorandýmǵa qol qoıylǵanyn málimdedi.
ACG Ortalyq Azııadaǵy televızııa arqyly kórsetiletin alǵashqy kópsalaly kıbersport oqıǵasy boldy, ol Qazaqstanda, Ortalyq Azııada jáne birneshe jaqyn shetelderde kórsetilýde.
Televıdenıe arqyly yntymaqtastyq jobanyń qamtý aıasyn 6 mıllıon adamǵa deıin keńeıtýge, jobanyń tanymaldylyǵyn arttyrýǵa, onyń halyqaralyq arenadaǵy mártebesi men bedelin kóterýge múmkindik berdi.
ACG jobasy Logitech iri álemdik tehnologııalyq kompanııasyn tartty jáne ony Almaty naryǵyna biriktirý úshin Tencent Games-pen yntymaqtastyq ornatty. Qalanyń ýnıversıtetterine arnalǵan oıyn ındýstrııasy men kıbersport boıynsha bilim berý baǵdarlamalary ázirlendi, bul baǵdarlamalar 70-ten astam mamandy daıarlap, jumysqa ornalastyrýdy kózdeıdi.
MOST bıznes-ınkýbatorynyń baǵdarlamalaryna (ınkýbasııa, akselerasııa, masshtabtaý) 292 startap qatysty.
Jyl basynan beri Ortalyq Azııadaǵy eń suranysqa ıe flagmandyq baǵdarlama – IRA (Investment Readiness Accelerator) baǵdarlamasynyń úsh kezeńiniń ekeýi ótkizildi. Bul baǵdarlama Almaty men Ortalyq Azııanyń О́zbekstan, Qyrǵyzstan, Tájikstan jáne Túrkimenstan elderinen kelgen startaptarǵa arnalǵan. Baǵdarlamaǵa osy elderden 42 startap qatysty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir