Mobılograf Ámir Tashmetov: Elektr qýaty — turmysymyzdyń eń basty qajettiligi

Amır Tashmetov - mobılograf. Ol Aqtaýda ótip jatqan mobılografııa festıvaline arnaıy spıker bolyp kelgen. Onyń aıtýynsha qazirdiń ózinde elektr energııasyn únemdeý qajet. Sondaı-aq, ol AES bolǵan jaǵdaıda elektr qýaty jetkilikti bolýy múmkin dep sanaıdy, Bul týraly Qoǵamdyq kommýnıkasııa ortalyǵy habarlaıdy.

Mobılograftar festıvali 22 qyrkúıek kúni qala kúnine oraı uıymdastyrylǵan.
Is-shara zamanaýı jáne qyzyqty mamandyq ókilderine arnalǵan.

Spıkerdiń aıtýynsha, mobılograftardyń barlyq jumysy telefon jáne basqa tehnıkalar arqyly júzege asady. Amır Tashmetov qatysýshylarǵa elektr energııasy bolashaq urpaq úshin qanshalyqty mańyzdy ekenin atap ótti.

- Almatyda aýa lastanǵan, al Aqtaýda elektr qýatymen jabdyqtaý jelilerinde máseleler bar. Biz elektr energııasyn kózimizdiń qarashyǵyndaı saqtaýymyz kerek. О́ıtkeni qazirgi tańda energııa tapshylyǵy seziledi. Biraq bul másele jaqyn arada sheshiledi dep úmittenemin. Elimiz atom elektr stansııalaryn salý týraly durys sheshim qabyldaıdy dep senemin. Men bolashaqqa zor úmitpen qaraımyn, - deıdi Amır Tashmetov.