Dúnıejúzilik ana sútimen qorektendirý aptalyǵy ótýde

Ár jylda álemde Ana sútin emetin sábılerdiń densaýlyǵyn nyǵaıtý maqsatynda emizýdi nasıhattaýǵa baǵyttalǵan Dúnıejúzilik balany emizý aptalyǵy ótkizilip turady. Bul aptalyq ana men balany qorǵaý jónindegi Memleket basshysy Qasym-Jomart Toqaevtyń tapsyrmasyna sáıkes, júrgizilip otyr.

Osyǵan oraı, Almaty oblysy Kóksý aýdanynyń Balpyq bı kentindegi emhanada Dúnıejúzilik ana sútimen qorektendirý aptalyǵy aıasynda «Ana sútimen qorektendirý – balalar densaýlyǵynyń kilti» uranymen Ulttyq baǵdarlama ótkizildi.

Baǵdarlamanyń boıynsha oblystaǵy bolashaq analarǵa, emizetin analarǵa áıel aǵzasynyń jeke erekshelikterin, balanyń anatomııalyq-fızıologııalyq damýyn, eki jasqa deıin ana sútimen qorektendirýdi saqtaý maqsatynda yqtımal asqynýlar men qaýip-qaterlerdi eskere otyryp, jeke keńes berý úshin «Ashyq esik kúni» sharasyn ótkizý, otbasyn josparlaý kabınetinde ana sútimen qorektendirý boıynsha sabaqtar ótkizý, sabaqtarda ana sútimen qorektendirý boıynsha sheber-klass ótkizý juystary, aýmaqtyq ýchaskelerde ana sútimen qorektendirý, 6 aıdan bastap qosymsha taǵamdardy durys engizý, sondaı-aq 2 jastan bastap ana sútimen qorektendirýdi aıaqtaý máseleleri boıynsha suhbattar ótkizý sekildi jumystar júrgizildi.

Ana men balany qorǵaý baǵdarlamasyna sáıkes, Balpyq bı kentindegi emhanada úıge baryp qaraý arqyly patronajdaý ádisiniń ámbebap-progressıvti júıesi negizinde patronaj meıirbıkeleri jumys jasaıdy.
Sondaı-aq patronaj meıirbıkeleri jańadan bosanǵan analarǵa ana sútiniń mańyzy týraly túsindirip, náresteniń omyraýǵa durys salynýyn úıretedi.
Al emhananyń balany damytý kabınetiniń meıirbıkesi qabyldaýǵa kelgen analar men medısına qyzmetkerlerine semınar sabaqtar júrgizip turady.

Iаǵnı, omyraý súti - náresteler úshin asa paıdaly taǵam.
Náresteler ómiriniń alǵashqy alty aıynda jáne odan keıingi eki jasqa deıin omyraýmen emizýdiń mańyzy zor ekenin analarǵa túsindirý arqyly balalardyń quqyǵyn qorǵaı alady. Sonymen birge,
Ana sútimen emizý sábıler mıynyń durys jumys jasaýyn, ınfeksııalardan qorǵaýdan, semizdik qaýpi men balalar aýrýlaryn tómendetýden bastap, densaýlyqqa jumsalatyn shyǵyndarǵa, emizetin analardy anabez isigi men sút bezderi isiginen qorǵaýǵa deıin óte mańyzdy.
Omyraýmen emizbeý respıratorlyq aýrýlardyń, gıpotermııanyń jáne dıareıanyń,  ınfeksııalyq aýrýlardyń paıda bolý sebebi ekenin Almaty oblysyndaǵy Kóksý aýdanynyń Balpyq bı kentindegi emhana qyzmetkerleri árdaıym túsindirip, ana men balanyń densaýlyǵy úshin nátıjeli jumystar atqaryp keledi.