09 Shilde, 2024 Áleýmet
Foto: Abaı oblysy ákimdigi
Semeıde «Mereıli otbasy» ulttyq baıqaýynyń qalalyq kezeńi ótip, Nurahmetovter otbasy jeńimpaz atandy.
Dástúrli «Mereıli otbasy» ulttyq baıqaýynyń qalalyq kezeńine bıyl 6 ónegeli otbasy qatysty. Olardyń ishinde, kásipkerler de, qurylysshylar da, áskerı qyzmetshi men muǵalim otbasylar da boldy.
Baıqaýdyń qorytyndysy boıynsha Abaı garnızonyna qarasty áskerı bólimniń áskerı qyzmetshisi Nurahmetovter áýleti jeńimpaz atanyp, oblystyq kezeńge joldama aldy.
О́negeli otbasynyń otaǵasy – Álı Nurahmetov Abaı garnızonyna qarasty 44793 áskerı bóliminde qyzmet atqarady. Jubaıy Quralaımen birge olar tórt bala tárbıelep otyr.
- Baıqaýǵa bir aıdaı daıyndaldyq. «Shyǵys» óńirlik qolbasshylyǵy men ózimniń áskerı bólim basshylyǵyna úlken rızashylyǵymdy bildirgim keledi. О́ıtkeni, jeńiske jetýime basshylyqtyń bergen múmkindikteri orasan zor boldy. Baıqaýǵa qatysqanyma óte qýanyshtymyn. Sebebi osyndaı saıystar bala tárbıesine, onyń tulǵa bolyp qalyptasýyna, ata-ananyń róli men otbasy qundylyǵyn arttyrýda mańyzy zor. Sondyqtan, ata-analardyń bala tárbıesindegi jaýapkershiligin arttyrý maqsatyndaǵy dástúrli baıqaýdyń ár otbasy úshin orny erekshe, - deıdi Álı Nurahmetov.
Baıqaý qorytyndysy boıynsha eshbir otbasy marapatsyz qalmady. Árbir ónegeli januıaǵa uıymdastyrýshylar qarjylaı syılyqtaryn usyndy. Marapattaý rásimi qala ónerpazdarynyń qatysýymen ótken merekelik konsertpen jalǵasty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir