11 Maýsym, 2024 NEWS О́zgertý

1 shildeden bastap Qazaqstanda avtogaz qymbattaıdy

1 shildeden bastap Qazaqstanda suıytylǵan gaz baǵasy ósedi.

Foto: ashyq derekkózden

Energetıka mınıstrligi "Ashyq NQA" portalynda 1 shildeden bastap Qazaqstanda suıytylǵan munaı gazynyń baǵasyn birshama túzetý boıynsha buıryq jobasyn jarııalady.

Buıryqta gaz baǵasynyń qymbattaýynyń birneshe sebebi kórsetilgen.

“Búgingi tańda suıytylǵan munaı gazynyń baǵasy ony óndirýdiń ózindik qunynan áldeqaıda tómen. Osylaısha SMG óndirisiniń ózindik quny tonnasyna 60 myńnan 70 myń teńgege deıin ózgeredi. Al óńdeýshi zaýyttar úshin qoldanystaǵy shekti kóterme baǵa tonnasyna 40 320 teńgeni quraıdy. Osylaısha óndirilgen árbir tonna gazdan zaýyttar 20-30 myń teńge kóleminde shyǵynǵa ushyraıdy”, – delingen habarlamada.

Gaz baǵasynyń qymbattaýynyń taǵy bir sebebi jyldan jylǵa suıytylǵan gaz tutynýdyń kúrt ósýi. Mınıstrlik málimetinshe, ótken jyldyń ózinde Qazaqstanda tutyný 2022 jylmen salystyrǵanda 400 myń tonnaǵa ósken. 2023 jyly SMG tutyný kólemi 2,2 mln tonnany qurady.

“SMG baǵany odan ári tejegen jaǵdaıda qazaqstandyq óndirýshi zaýyttarda ishki naryqtaǵy suranysty qanaǵattandyrý úshin óndiris kólemin ulǵaıtý múmkindigi bolmaıdy. Zalaldylyqtyń saldarynan zaýyttar tıimdirek ónimge aýysa otyryp, SMG óndirisine qyzyǵýshylyǵyn joǵaltýda. Osyndaı sebepterge baılanysty ınvestorlar da salaǵa ınvestısııa salǵysy kelmeıdi”, – delingen mınıstrlik habarlamasynda.

Mınıstrlik kórshi eldermen salystyrǵanda suıytylǵan gazdyń eń tómengi baǵasy Qazaqstanda ekenin atap ótti. Qazaqstanda gaz baǵasy 54-86 teńge arasynda bolsa, Reseıde bir lıtr gazdyń baǵasy – 132 teńge, Ázirbaıjanda – 171 teńge, Tájikstanda – 273 teńge.

Joǵaryda kórsetilgen sebepterge baılanysty 1 shildeden bastap suıytylǵan munaı gazynyń shekti bólshek saýda baǵasy óńirlerge baılanysty lıtrine 5-ten 8 teńgege deıin qymbattamaq.

№	О́ńirler	Qazirgi baǵalar	Oblys ortalyǵynan shalǵaı aýdandardy (200 (eki júz) kılometr shaqyrymnan astam) eldi mekenderdegi qazirgi baǵa	2024 jylǵy 1 shildeden bastap	2024 jylǵy 1 shildeden bastap oblys ortalyǵynan shalǵaı aýdandardy (200 (eki júz) kılometr shaqyrymnan astam) eldi mekenderde
1.	Astana q.	76	-	84	-
2.	Almaty q.	81	-	89	-
3.	Aqtóbe oblysy	54	59	59	64
4.	Atyraý oblysy	54	59	59	64
5.	Aqmola oblysy	76	81	84	89
6.	Almaty oblysy	81	86	89	94
7.	Shyǵys Qazaqstan oblysy	76	81	84	89
8.	Jambyl oblysy	71	76	78	83
9.	Batys Qazaqstan oblysy	64	69	70	75
10.	Qostanaı oblysy	76	81	84	89
11.	Qyzylorda oblysy	64	69	70	75
12.	Qaraǵandy oblysy	76	81	84	89
13.	Mańǵystaý oblysy	54	59	59	64
14.	Pavlodar oblysy	74	79	81	86
15.	Soltústik Qazaqstan oblysy	81	86	89	94
16.	Túrkistan oblysy	64	69	70	75
17.	Shymkent q.	64	-	70	-
18.	Abaı oblysy	76	81	84	89
19.	Jetisý oblysy	76	81	84	89
20.	Ulytaý oblysy	76	81	84	89