04 Maýsym, 2024 NEWS
Qazaqstanda ortasha jalaqysy 607 myń teńge bolatyn óńirdiń aty ataldy
QR Ulttyq statıstıka bıýrosy 2024 jylǵy 3 maýsymda 2023 jylǵy elimizdegi eńbek boıynsha negizgi kórsetkishterdi atady. Sondaı-aq sarapshylar esebinde elimizdiń ár óńirindegi jalaqylarǵa qatysty málimetter de bar.
Kórneki sýret
Ulttyq bıýro saıtynyń málimdeýinshe, 2023 jyldyń qorytyndysy boıynsha elimizdegi ortasha jalaqy kólemi 364 295 teńgeni qurady, bul 2022 jylmen salystyrǵanda 17,6 paıyzǵa artyq.
Naqty mánde elimizdegi ortasha jalaqy kólemi 2,7 paıyzǵa ósken.
2024 jylǵy 1 qańtardan bastap eń tómengi jalaqy 85 000 teńge mólsherinde belgilendi. Qazaqstan Respýblıkasynda 2023 jylǵy medıandyq jalaqy 251 356 teńgeni qurady.
2023 jyly óńirlik bóliniste eń joǵary ortasha aılyq ataýly jalaqy Atyraý oblysynda belgilendi, ol 607 635 teńgeni quraıdy.
Odan keıin Mańǵystaý oblysy tur – 535 156 teńge, Ulytaý oblysy – 483 812 teńge.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir