Elimizde sońǵy qońyraý ótetin boldy

Elimizde sońǵy qońyraý sharasy ótetin boldy. Bul týraly oqý-aǵartý mınıstrliginiń apparattyq otyrysynda mınıstr Ǵanı Beısembaev málimdedi. 

"Bıylǵy oqý jyly 25 mamyrda aıaqtalatynyn qatań eskertemin. Osyǵan oraı 3,8 mıllıonnan astam oqýshy kelesi synyptarǵa kóshirilsin. Sonymen qatar, elimizdegi 186 myń mektep bitirýshi úshin oqý jylynyń aıaqtalýyna arnalǵan sońǵy qońyraý sharasyn 25 mamyrda ótkizýdi tapsyramyn. Bıylǵy túlekter atalǵan is-sharany joǵary mádenıetpen, ysyrapsyz, dańǵazasyz ótkizetinine senemin. Bul bolashaq túlekter úshin ónegeli dástúrge aınalǵan jańa formattaǵy joǵary mádenıetti alǵashqy shara bolary sózsiz" — dedi mınıstr.

Aıta keteıik, buǵan deıin mınıstrlik Qazaqstan mektepterinde sońǵy qońyraý soǵylmaıtynyn, onyń ornyna barlyq mektepte oqý jylynyń aıaqtalýyna arnalǵan biryńǵaı synyp saǵaty ótetinin málimdegen bolatyn.