Bıshimbaev - qubyjyq! - Bolat Ábilov

Ol Bıshimbaevty alǵash kezdestirgende, onyń ıntellegentti azamat bolyp kóringenin aıtady.

– Qýandyq basynda óte tárbıeli adam bolyp kórindi.  «Báıterekte» (holdıng) bolǵan, sol kezde «BRK» bankke kredıt alýdy josparlap júrgenbiz. Keıinirek ol basqalarmen qalaı sóılesetinin estidik: mádenıetsiz, dóreki eken. «Pasan» bola tura, memlekettik qyzmette joǵary dárejege jetken adam. Biraq bul da ádiletsiz, orynsyz bolǵan nárse. Eski Qazaqstannyń ózi «eskiler» jáne «Bolashaqtyń elıtalary» dep bólinip júrgende, olar (Bolashaq túlekteri) bılikke talasyp, ózin premer-mınıstr retinde kóre bastaǵanda, eski elıta Baıbekke de, Bıshimbaevqa da qylmystyq isti artyp qoımaq bolǵan, – deıdi kásipker.

Sondaı-aq ol Bıshimbaev pen ákesin eski Qazaqstannyń adamdary sanaıdy. 

"Qýandyqtyń ákesi Ýálıhan Bıshimbaev - eski Qazaqstannyń jarqyn kórinisi. Nazarbaevtyń tusyndaǵy eski Qazaqstannan osy Qýandyq sııaqty monstrlar shyqty. Bala ákesinen kórgenin isteıdi. Ákesi qandaı bolsa, balasy da sondaı. Qýandyq men úshin kádimgi monstr! 

Áıelin aıaýsyz soqqyǵa jyqqan Qýandyq Bıshimbaev bul tárbıeni ata-anasynan alǵan. Onyń ornynda basqa bireý bolsa, ókinip keshirim surap, atylyp óler edi. Al bularda eshqandaı uıat joq. Qatty aıtsam, keshirim suraımyn. Kerisinshe, túrli ótirikti oıdan qurastyryp, ózderin qorǵap jantalasýda! Kimsińder, sender?" deıdi Bolat Ábilov.