17 Sáýir, 2024 El
Ulybrıtanııa sý tasqynyna baılanysty Qazaqstanǵa kómektesýge daıyn ekenin jetkizdi
Ulybrıtanııanyń syrtqy ister jónindegi memlekettik mınıstri Nýsrat Ganı sý tasqynynan zardap shekken Qazaqstanǵa kómek kórsetýge daıyn ekenin aıtty.
Kórneki sýret
Sheneýnik bul týraly Twitter-de jazdy.
"Qazaqstanda jalǵasyp jatqan sý tasqyny eldiń soltústigi men batysyndaǵy aımaqtardy qıratty. Zardap shekkenderdiń barlyǵyna, ásirese evakýasııalaýǵa májbúr bolǵandarǵa kóńil aıtyp, qoldaý bildiremiz. Ortalyq Azııa elderi klımattyń ózgerýine qarsy kúreste aldyńǵy qatarda. Ulybrıtanııa kómektesýge daıyn", – dep jazdy ol.
https://x.com/Nus_Ghani/status/1779787149543440774
Buǵan deıin meksıkalyq kásipqoı boksshy Saýl Alvares Kanelo sý tasqynynan zardap shekken qazaqstandyqtarǵa qoldaý bildirgen edi.
Elimizdiń 8 óńirinde sý tasqynynyń beti qaıtar emes. Tasqyn saldarynan qaýipsiz jerge kóshirilgen turǵyndar sany 100 myńnan asty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir