Senattyń alǵashqy tóraǵasy О́mirbek Baıgeldi ómirden ótti

Búgin Astana qalasynda kórnekti memleket jáne qoǵam qaıratkeri О́mirbek Baıgeldi 85 jasqa qaraǵan shaǵynda ómirden ótti. Bul týraly Parlament Senatynyń baspasóz qyzmeti habarlady.  

О́mirbek Baıgeldi – Qazaqstan Respýblıkasy Parlamenti Senatynyń alǵashqy tóraǵasy boldy (1996-1999 j.j.).

Ol 1939 jyly Jambyl oblysynyń Qyzyl-Oktıabr aýylynda dúnıege kelgen. Eńbek jolyn Jambyl oblysy Jambyl aýdanynyń Qyzyl-Oktıabr kolhozynda jumysshy bolyp bastaǵan.

1990 jyldary Jambyl oblystyq atqarý komıtetiniń tóraǵasy, Jambyl oblysynyń ákimi, Qazaqstan Respýblıkasy Prezıdentiniń keńesshisi bolyp qyzmet atqarǵan.

Qazaqstan Respýblıkasy Parlamenti Senatynyń birinshi, ekinshi, úshinshi jáne tórtinshi shaqyrylymdaǵy depýtaty bolyp, Parlament Senatynda 16 jyldan astam qyzmet atqarǵan.