23 Aqpan, 2024 Aqtóbe oblysy
Aqtóbede aqsha "jegen" esepshiniń sotyna oblystaǵy búkil mektep basshylary qatysty
Qasıetti degen bilim ordasy, ókinishke qaraı, sońǵy jyldary jemqorlyq salasy tiziminde kósh bastap keledi. Sol sebepti Antıkor "sabaq bolsyn" dep Aqtóbe qalasynyń №55 mektep gımnazııasy bas býhgalteriniń sotyn onlaın rejımde ashyq ótkizdi.
Ashyq derekkózden alyndy
Aqtóbe qalasynyń № 2 sotynyń sot prosesine onlaın rejımde bilim basqarmasy men bólimderiniń qyzmetkerleri, onyń ishinde oblystyń 403 qalalyq jáne aýdandyq mekteptiń dırektorlary, býhgalterleri, pedagogıkalyq quramy qosyldy.
Aqtóbe qalalyq mektebiniń bas býhgalteri asa iri mólsherde bıýdjet qarajatyn jymqyrǵany úshin sottaldy. Ol 8 jyl boıy óziniń banktik shotyna jalaqy retinde zańsyz aýdarymdar jasaǵan, nátıjesinde memleketke 413,8 mln teńge somasynda zalal keltirildi.
"Tek bir jyldyń ishinde ol ózine 200 mln teńgeden astam qarajat aýdarǵan. Bul búkil mekteptiń jyldyq eńbekaqy qorynyń 30%-yn quraıdy eken. Sot úkimimen oǵan 7 jyl bas bostandyǵynan aıyrý jazasy taǵaıyndaldy, sondaı-aq 10 jyl merzimge materıaldyq jaýapty laýazymdardy atqarý quqyǵynan aıyryldy", delingen Antıkor habarlamasynda.
Úkim zańdy kúshine engen joq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir