28 Naýryz, 2024 Barlyq aımaqtar
Memleket balalardy otbasynan tartyp ala ma? – Oqý-aǵartý mınıstrligi jaýap berdi
Oqý-aǵartý vıse-mınıstri Edil Ospan áıelder men balalardyń quqyqtaryn qorǵaý máseleleri jónindegi jańa zań jobasynda balalardy otbasynan tartyp alatyn norma joq ekenin aıtty.
Foto: kórneki sýret
Mınıstr aıtpaqshy, qazirgi tańda Parlamentte áıelderdiń quqyǵy men balalardyń qaýipsizdigin qamtamasyz etý máseleleri boıynsha ázirlengen zań jobasy talqylanyp jatyr.
- Bul zań jobasynda otbasylardan balalardy memlekettik organdardyń tartyp alýyna múmkindik beretin normalar bar degen jańsaq aqparattar taratylyp jatyr. Ol aqparattyń eshbiri shyndyqqa sáıkes kelmeıdi, - dep málimdedi vıse-mınıstr.
Onyń sózinshe, qaralyp otyrǵan zań jobalarynda jáne Májilistegi basqa da normatıvtik-quqyqtyq aktilerde balalardy otbasylardan tartyp alýǵa qatysty birde-bir norma joq.
- Memlekettik saıasat balany týǵan otbasynda tárbıeleý quqyǵyn qamtamasyz etip, balalardy tárbıeleý men olardyń qaýipsizdigin qamtamasyz etý máselelerinde eń aldymen ata-analarǵa basymdyq berýge baǵyttalǵan. Memleket ómirlik qıyn jaǵdaıǵa tap bolǵan otbasylardy qoldaýǵa arnalǵan tıimdi sharalardy únemi iske asyryp keledi, - dep aıtty Edil Ospan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir