• USD 468.56

  • EUR 497.56

  • RUB 7.3

  • CNY 67.18

24 Sáýir, 22:08:41
Almaty
+35°

23 Aqpan, 2024 Álem

Gaaga soty: Iran men Qytaı Izraıldiń áreketin zańsyz dep tanýdy talap etti

Gaagadaǵy BUU Halyqaralyq sotynda Izraıldiń okkýpasııalaǵan Palestına terrıtorııasyndaǵy áreketteriniń zańdy-zańsyzdyǵyna qatysty tyńdalym óz jalǵastyǵyn tabýda. Sot otyrysynda Qytaı men Iran Izraıldiń áreketin zańsyz dep tanýdy talap etti.

pixabay

«Gazada júrip jatqan soǵys «ondaǵan jyldarǵa sozylyp kele jatqan,  palestınalyqtardy basyp-janshýdaǵy Izraıl ezgisiniń kórinisi» dep Euronews QHR SIM ókili Ma Sınmınniń sózin keltiredi.

Palestınalyqtardyń táýelsiz memleket qurýǵa umtylysy, negizinen zańdy quqyqtaryn, ózin-ózi taný quqyǵyn qalpyna keltirý bolyp tabylady. Prezıdent myrza, sot tóreligi sheshim shyǵarýda asyǵar emes, biraq bir baılamǵa kelý kerek. Palestına máselesin sheshý úshin Palestına men Izraıldiń ózara kúsh-jigeri qajet", - dedi Ma Sınmın.

О́z kezeginde Iran ókili: "Izraıl rejımi esh qymsynbastan Gaza sektorynda qylmystyq áreketterge áli barýda» deı kelip, BUU soty sheshim qabyldaýda atalǵan jaǵdaıǵa yqpal ete alady degen úmitin bildirdi.

Eýropa elderi men BUU SIM basshylary gýmanıtarlyq daǵdarystyń shıelenisýine baılanysty Gaza sektoryndaǵy atys-shabysty doǵarýǵa shaqyrdy.

Alaıda Izraıl áskeriniń bas qolbasshysy Benı Ganstyń sózi qarama-qaıshy jaǵdaıdy sıpattaıdy.

«Eger HAMAS 7 qazannan bastap ustalǵan 130-ǵa jýyq kepilge alynǵan adamdy bosatpasa, musylmandar úshin qasıetti Ramazan aıynyń basynda Rafaqta qurlyq shabýylyn bastaımyz» dep ol doq kórsetti.

Al Rafaq - áskerı shabýyldardardan bas saýǵalaǵan 2,3 mıllıon Gaza halqynyń teń jartysy panalaǵan qala.

Izraıl bıligi áskerı is-qımyl aldynda qalanyń beıbit turǵyndaryn evakýasııalaıtynyn málimdedi. Biraq qaıda? Osy suraq halyqaralyq qaýymdastyqty mazalaıdy. Sebebi Gaza sektorynda aman qalǵan tynysh aýmaq joq. Sondyqtan beıbit turǵyndar arasynda qurbandardyń sany artýy yqtımal degen boljam da bar. Palestına bıliginiń málimeti boıynsha, atys-shabys bastalǵaly 29 400-den astam adam opat bolǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir