Kentaýda erekshe balalarǵa arnalǵan kolledjde óreskel zań buzýshylyqtarǵa jol berilgen

Bul kolledj elimizdegi jalǵyz mamandandyrylǵan múmkindigi shekteýli balalarǵa arnalǵan ońaltý jáne bilim berý qyzmetterin usyný úshin  qurylǵan mekeme bolyp tabylady.

Prokýrorlyq tekserý kezinde:

1. Kolledj basshylyǵy uzaq ýaqyt boıy zańnama talaptaryn buza otyryp, erekshe stýdentterdi memlekettik qyzmettermen tıisinshe qamtamasyz etpegeni anyqtaldy;

2. Sapasyz bilim berýdegi buzýshylyqtar, oqytýshylar quramynyń biliktilik talaptaryna sáıkes kelmeýi, sanıtarlyq jáne órtke qarsy normalardyń saqtalmaǵany belgili boldy;

3. Mekemede merzimi ótken azyq-túlikter men eskirý merzimi ótken medısınalyq preparattardy qoldanǵan;

4. Medısınalyq qarsy kórsetilimderi men shekteýleri bar talapkerlerdi oqýǵa zańsyz qabyldaý faktilerin bile tura, Túrkistan oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshylary tıisti sharalar qabyldamaǵan.

"Tekserý nátıjesi boıynsha zań buzýshylyqtardy joıý jáne bala quqyqtaryn qorǵaý maqsatynda oblys prokýratýrasy bes prokýrorlyq den qoıý aktisin oblys ákimdigine jáne memlekettik organdardyń aýmaqtyq departamentterine engizdi", delingen Túrkistan oblysynyń prokýratýrasynyń habarlamasynda.