• USD 468.56

  • EUR 497.56

  • RUB 7.3

  • CNY 67.18

24 Sáýir, 23:25:51
Almaty
+35°

Burynǵy mádenıet jáne sport mınıstri Arystanbek Muhamedıuly men onyń áıeline sot úkimi shyqty.

Qylmystyq is Astana qalasynyń qylmystyq ister jónindegi mamandandyrylǵan aýdanaralyq sotynda qaraldy.

Sot úkimimen Arystanbek Muhamedıuly asa iri mólsherde para berýge oqtalǵany úshin kináli dep tanylyp, 11 jylǵa bas bostandyǵynan aıyryldy.

Ǵalııa Ysqaqova paraqorlyqqa deldaldyq jasaǵany úshin kináli dep tanylyp, ómir boıy memlekettik qyzmette qyzmet atqarýǵa tyıym salynyp, 6 aıǵa bas bostandyǵynan aıyryldy.

Mustaqym Tóleev asa iri mólsherde alaıaqtyq jasaǵany úshin kináli dep tanylyp, 10 jyl merzimge advokattyq qyzmetpen aınalysý quqyǵynan aıyryla otyryp, 6 jyl 8 aıǵa bas bostandyǵynan aıyryldy.

Tergeý barysynda Arystanbek Muhamedıuly asa iri mólsherde para berýge oqtaldy dep (QK 24-babynyń 3-bóligi – 367-babynyń 4-bóligi), áıeli paraqorlyqqa deldaldyq jasady dep (QK 368-babynyń 1-bóligi) jáne Tóleev asa iri mólsherde alaıaqtyq jasady dep (QK 190-baby 4-bóliginiń 2) tarmaǵy) aıyptalǵan.

"M. (Arystanbek) 2022 jyldyń jeltoqsanynda Astana qalasynyń tergeý ızolıatorynda bolǵan kezinde qamaýdan bosatylyp, «D» qonaq úıin menshiginde ustap qalǵysy kelip, advokat T. arqyly laýazymdy tulǵalarǵa asa iri mólsherde para berýge qylmystyq nıet bildirdi, bul rette óziniń jubaıy I.-ny paraqorlyqqa deldal retinde tartýǵa sheshim qabyldady. Ári qaraı, jubaıy M.-men kelisip, T.-men kelissózder júrgizip, zańsyz aqshalaı syıaqyny laýazymdy adamdarǵa berý týraly kelisimdi júzege asyrý maqsatynda T.-ǵa M.-nyń para berýge daıyndyǵy týraly habarlady. 2022 jyldyń jeltoqsanynda I. kafede «D» qonaq úıiniń máselesin sheshý úshin T.-ǵa 140 myń AQSh dollaryn jeke ózi tabystady. 2023 jyldyń qańtarynda jubaıy T.-nyń kóliginde deldal rólin atqara otyryp, M.-ǵa qatysty bultartpaý sharasyn ózgertý úshin 120 myń AQSh dollaryn ózi tapsyrdy", – delingen sot habarlamasynda.

Úkim zańdy kúshine engen joq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir