Almatyda zańsyz satylǵan eki jer telimi memleketke qaıtaryldy

Medeý aýdanynyń prokýratýrasy qala ortalyǵynda jeke tulǵalarǵa zańsyz berilgen jer ýchaskelerin anyqtady.

2009 jyly memleket muqtajy úshin Shyǵys aınalma avtojolynyń qurylysyna baılanysty naryqtyq quny boıynsha 1,2 mlrd teńgege Radlov kóshesi boıynsha 13 jer ýchaskesi satyp alynǵan.

"Almaty ÁKK" AQ 2021 jyly alynǵan ýchaskelerdiń biri (35 akr) qoǵamdyq is-sharalar keshenin salý úshin JShS-ge berilgen. ​Aýdany 3500 sharshy metr ǵımarattyń ornyna zańdy tulǵa 22 sharshy metr tehnıkalyq úı-jaı turǵyzyp, 32 mln teńgege jerdi jeke menshikke zańsyz satyp alǵan.

​Bul rette, ýchaskede kezekti kommersııalyq obektini salý is júzinde josparlanǵan bolatyn, bul halyq pen qala úshin qoǵamdyq mańyzy joq.

​"Medeý aýdany prokýratýrasynyń talap aryzy boıynsha sot mámilelerdi jaramsyz dep tanydy (zańdy kúshine engen joq)", delingen 12 aqpanda Almaty qalalyq prokýratýrasy taratqan habarlamada.

​Basqa jaǵdaıda, osy aýdanda 2020 jyly mindetti aýksıon ótkizbesten, eń jaqsy usynysty tańdamaı, jergilikti atqarýshy organ kommersııalyq maqsattar úshin taǵy bir JShS-ge ýchaske (37 akr) bergen.  Jer osy ýaqytqa deıin ıgerilmegen. Prokýratýranyń qadaǵalaý aktisi boıynsha jyljymaıtyn múlik memleketke qaıtaryldy.

Joǵaryda atalǵan múlikterdiń naryqtyq quny 700 mln teńgeden asady.