• USD 468.56

  • EUR 497.56

  • RUB 7.3

  • CNY 67.18

23 Maýsym, 07:06:08
Almaty
+35°

Prokýratýra aldynda ashtyq jarııalaǵan qamaýdaǵy jýrnalıst Dýman Muhammedkárimniń ákesi Almaz Tilepov densaýlyǵyna baılanysty ashtyqty toqtatty, dep jazady Azattyq. 

Onyń aıtýynsha, seısenbi kúni onyń qan qysymy kóterilip, jedel járdem kóligi shaqyrtylǵan. Aýrýhanaǵa jetkizilip, sıstema qoıylǵan. Dárigerler oǵan ashtyqty jalǵastyrýǵa tyıym salǵan.

Almaz Tilepovtiń sózine qaraǵanda, 6 maýsymda ony Ile aýdandyq polısııa bóliminiń bastyǵy shaqyryp sóılesken. Polısııa bóliminen shyqqannan keıin jaǵdaıy nasharlaǵan.

– Negizi polısııa bólimine kirmeı turyp ta birtúrli bolyp turǵanmyn. Kirip shyqqannan keıin jaǵdaıym múlde nasharlap ketti. Polısııa bóliminiń bastyǵy ulymdy zańsyz ustap áketýge qatysty áli baǵa berilmegenin aıtty. Áli tekseris jalǵasyp jatyr dedi. Men olarǵa "Dýmandy 30 kún tolyp ketpesin dep ádeıi 2 kúnge bosatyp, odan keıin qaıtadan qamaýǵa aldyńdar" dedim. Muny ózderi de moıyndaıdy. Dýmandy bosatý boıynsha talabym jóninde olar 7 maýsymda dóńgelek ústel ótkizetinin aıtty, – dedi Almaz Tilepov.

Onyń sózinshe, dóńgelek ústelge ákimdik pen prokýratýra ókilderi de qatyspaq.

Buǵan deıin Almaz Tilepov ulyn bosatýdy talap etip, ashtyq jarııalaǵan edi. Onyń densaýlyǵyna alańdaǵan uly Dýman Muhammedkárim advokaty arqyly ashtyqty toqtatýdy suraǵan.

Jýyrda sot "beıbit jıyn ótkizý tártibin buzdy" dep aıyptalǵan jýrnalıst Dýman Muhamedkárimdi 25 táýlikke qamaǵan. Bılikti qatań synaýmen tanylǵan jýrnalıst 1 mamyr kúngi oppozısııa mıtıngisi qarsańynda qamalyp, ızolıatordan 26 mamyrda ǵana bosap shyqqan edi. Naýryzdaǵy parlament saılaýynan beri ol osymen úshinshi ret qamalyp otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir