Qańtar oqıǵasy: 25 adamǵa sot úkimi shyqty

Búgin Almatydaǵy Bostandyq aýdandyq №2 soty qańtar oqıǵasynda aıyptalǵan 25 adamǵa sot úkimin shaǵardy.  

Sot qańtarda qaza bolǵan Dýman Qanatbekten basqa aıyptalýshylardyń barlyǵyna shartty jaza berdi. "Qamaýda bolǵandardyń barlyǵy bosatyldy" – dep habarlady advokat Aınara Aıdarhan.

Buǵan deıin prokýror aıyptalýshylarǵa 2–4 jyl aralyǵynda  bas bostandyǵynan aıyrýmen qatar shartty jaza suraǵan. Aıyptalýshylarǵa "jappaı tártipsizdikti uıymdastyrdy jáne oǵan qatysty", "qarý–jaraq urlady", "ǵımarattarǵa shabýyl jasady" degen aıyptar taǵylǵan. Azattyq radıosynyń habarlaýynsha, aıyptalýshylardyń keıbiri aıypty ishinara moıyndaǵan, keıbiri kelispegen.

Sondaı–aq, sot otyrysy bastalmaı turyp jınalǵan halyq zalǵa syımaı, sottan úlken zaldy berýdi, ádil úkim shyǵarýdy talap etip urandatqan.