• USD 468.56

  • EUR 497.56

  • RUB 7.3

  • CNY 67.18

03 Aqpan, 11:56:17
Almaty
+3°

Jýrnalıst, jazýshy Dáýren Omarov burǵylaý salasyndaǵy jetekshi "KMG Drilling&Services" JShS-niń atqarýshy dırektory bolyp taǵaıyndaldy.

Dáýren Baýyrjanuly Omarov Almaty qalasynda dúnıege kelgen.

QazUÝ shyǵystaný fakýltetine oqýǵa túsip, uzamaı irikteý syndarynan ótip, Qytaıǵa oqýǵa joldama alady.

2005-2006 jyldary Shyǵys-Qytaı pedagogıkalyq ýnıversıtetinde qytaı tili kýrsynan ótken.

2006-2010 aralyǵynda Shyǵys-qytaı ǵylym jáne texnologııalar ýnıversıtetine ınjenerlik menedjment mamandyǵy boıynsha bakalavr dárejesin alǵan.

2010-2012 jyldar arasynda ataýly bilim ordasynda magıstratýrada oqyp, ekonomıkalyq quqyq magıstry dárejesin alǵan.

Bilim alýmen qatar respýblıkalyq "Aıqyn", astanalyq "Astana aqshamy" gazetteriniń Qytaıdaǵy tilshisi qyzmetterin qosa atqarǵan. Ataýly basylymdarǵa 100-den astam tanymdyq maqalalary shyqqan.

2012 jyldan bastap "Qazaqstan" ulttyq arnasynyń Qytaı Halyq Respýblıkasyndaǵy menshikti tilshisi qyzmetin atqarǵan. Jumys babymen Qytaıdaǵy qazaqtar turatyn búkil mekendi aralap, olardyń turmys-tirshiligimen jete tanysady. Atalǵan qyzmetti 2015 jyldyń jeltoqsanyna deıin júrip, 600-den astam beınematerıalyn jarııalaǵan.

2015-2016 jyldar aralyǵynda QR Shanxaı (QHR) qalasyndaǵy bas konsýldyǵynda qyzmet istegen.

Artynsha Shyǵys-qytaı ǵylym jáne texnologııalar ýnıversıtetin qoǵamdyq menedjment jáne áleýmettik  saıasat fakýlteti doktorantýrasyn támámdaǵan.

2022 jylǵy mamyrda "QazMunaıGaz" ulttyq kompanııasy baspasóz qyzmetiniń jetekshisi bolyp taǵaıyndaldy.

Osy ýaqytqa deıin qytaıtaný taqyrybynda "Erte turatyn el", "Merekesi mol memleket",  "Jahanǵa jaıylǵan jurt" atty kitaptary jaryq kórgen.

Dáýren Baýyrjanulynyń izdenimpazdylyǵy joǵary baǵalanyp, memlekettik basylymdarda jarııalanǵan  eńbegi úshin  "Jastar – 2011" respýblıkalyq jastar premııasynyń "Jyldyń jas jýrnalısti" nomınasııasynyń, 2012 jyly "Shabyt" halyqaralyq festıvaliniń proza janry boıynsha gran-prıiniń, 2017 jyly "jýrnalıstıka nomınasııasy boıynsha "Daryn" memlekettik jastar premııasynyń ıegeri atandy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir