• USD 468.56

  • EUR 497.56

  • RUB 7.3

  • CNY 67.18

03 Aqpan, 11:51:57
Almaty
+3°

Prezıdent májilisti taratý jáne máslıhattardyń ókilettigin merziminen buryn toqtatý týraly Jarlyqqa qol qoıyp, májilistiń kezekten tys saılaýy ótetin kúndi belgiledi.

Jarlyqqa saı, májilistiń kezekten tys saılaýy buǵan deıin al arasynda aıtylyp júrgendeı 2023 jylǵy 19 naýryzda ótetin boldy.

Prezıdent májilistiń jáne máslıhattardyń kezekten tys saılaýy – konstıtýsııalyq reformanyń jalǵasy ári memlekettik bılik ınstıtýttaryn jańǵyrtý jumystarynyń qorytyndy kezeńi ekenin atap ótti.

– Endi Májilis depýtattarynyń 70 paıyzy partııalyq tizim arqyly, al qalǵan 30 paıyzy bir mandatty okrýgterden saılanady. Oblystar men respýblıkalyq mańyzy bar qalalardaǵy máslıhat depýtattary da aralas júıe boıynsha saılanady. Depýtattardyń 50 paıyzy bir mandattyq júıe arqyly, 50 paıyzy partııalyq tizim boıynsha ótedi. Al aýdan jáne oblystyq mańyzy bar qalalardaǵy máslıhat saılaýynda azamattar bir mandatty okrýgterden shyqqan kandıdattarǵa daýys beredi. Osylaısha, Májilis pen máslıhattar jańa úlgi boıynsha jasaqtalady. Sonda saılaýshylardyń múddesi jalpyulttyq jáne aımaqtyq deńgeıde tolyq qorǵalady. О́kildi bılikke túrli kózqarastaǵy azamattardyń kelýine múmkindik týady. Azamattyq qoǵamnyń odan ári damýyna aıtarlyqtaı jaǵdaı jasalady, – dedi prezıdent.

Toqaev aldaǵy saılaýdyń zańǵa sáıkes ótýine, ádil ári ashyq bolýyna qatań baqylaý jasalatynyn, oǵan Ortalyq saılaý komıssııasy jáne Bas prokýratýra jaýapty ekenin jetkizdi.

♦ Eks-sheneýnikterdiń qaısysyn depýtat retinde kórgińiz keledi? (Saýalnama)

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir