Toqaevtyń úmitkerligin usynǵan uıymdar ortaq koalısııa qurmaq

AMANAT partııasynyń tóraǵasy – QR Parlamenti Májilisiniń spıkeri Erlan Qoshanov aldaǵy prezıdent saılaýyna qazirgi prezıdent Qasym-Jomart Toqaevtyń úmitkerligin qoldaý jónindegi halyqtyq koalısııa qurylatynyn habarlady. Bul týraly ol partııa sezinde aıtty.

"О́zderińizge belgili, bizden basqa da birqatar partııalar men saıası birlestikter prezıdenttikke memleket basshysy Qasym-Jomart Kemeluly Toqaevtyń kandıdatýrasyn usynyp otyr. Osy oraıda biz sol saıası uıymdarmen birlesip, Qasym-Jomart Kemeluly Toqaevty qoldaý jónindegi halyqtyq koalısııa qurý jóninde kelisimge keldik" dedi ol.

Májilis spıkeriniń aıtýynsha, búgin tústen keıin prezıdenttiń qatysýymen forým ótpek.

AMANAT partııasy sezde Qasym-Jomart Toqaevty prezıdenttikke kandıdat retinde usynǵan. Budan bólek "Qazaqstan Halyq partııasy", máslıhattar depýtattarynyń respýblıkalyq qoǵamdyq birlestigi, "Qazaqstan sportshylar odaǵy" respýblıkalyq qoǵamdyq birlestigi, Qazaqstannyń Azamattyq alıansy, "Ardagerler uıymy" respýblıkalyq qoǵamdyq birlestigi, "Qazaqstan Team" qoǵamdyq birlestigi, Ulttyq volonterlik jelisi qazirgi prezıdent úmitkerligin usynatynyn málim etken.

Keshe prezıdent Pavlodar oblysyna jasaǵan saparynda aldaǵy saılaýǵa qoǵamdyq-saıası kúshter koalısııasynyń atynan qatysqandy jón kórip otyrǵanyn jetkizgen.