16 Sáýir, 2024 Áleýmet
Perzenthanada júkti áıel ózine qol jumsady
Taraz qalasyndaǵy perzenthanada 33 jastaǵy júkti áıel ózine qol jumsady
Kórneki sýret
Tarazda 33 jastaǵy júkti áıel perzenthananyń jýynatyn bólmesinde asylyp óldi, dep habarlaıdy Qamshy.kz aqparat agenttigi Jambyl oblysy ákimdiginiń baspasóz qyzmetine silteme jasap.
Jambyl oblystyq perınataldyq ortalyǵynyń málimetinshe, júkti áıel jalǵan tolǵaq saldarynan baqylaýda bolyp, tıisti em qabyldaǵan. Ortalyqta bolǵan kezde psıhologııalyq aýytqýy baıqalmaǵan.
«Qajetti saraptamalar kesheni taǵaıyndaldy, olardy oryndaý Jambyl oblysy boıynsha sot saraptama ınstıtýtynyń mamandaryna tapsyryldy», – dep habarlady oblystyq polısııa departamenti.
Atalǵan derek boıynsha qylmystyq kodekstiń 105-babynyń 1-bóligi («О́zin-ózi óltirýge ıtermeleý») boıynsha sotqa deıingi tergeý bastaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir