• USD 468.56

  • EUR 497.56

  • RUB 7.3

  • CNY 67.18

23 Mamyr, 17:36:02
Almaty
+35°

16 Sáýir, 2024 Áleýmet

Qazaqstanda Araldy saqtaýdy qoldaý maqsatynda Araldy Saqta tólem kartasy iske qosyldy

Freedom Bank jáne Mastercard halyqaralyq tólem júıesi Aral teńizin saqtaý boıynsha qaıyrymdylyq bastamasyn jarııalady jáne Araldy Saqta tólem kartasyn usyndy. Ony tólegen kezde árbir satyp alýdan 10%-ǵa deıingi mólsherde keshbek Qazaqstandaǵy Halyqaralyq Araldy qutqarý qoryna aýdarylatyn bolady.

Kórneki sýret

Qatysý úshin Freedom SuperApp qosymshasyna nemese Freedom Bank fılıaldarynyń Almaty, Astana, Shymkent, О́skemen, Kókshetaý, Qostanaı, Aqtóbe, Aqtaý, Atyraý qalalaryndaǵy kartomattaryna Araldy Saqta arnaıy kartasyn onlaın ashý qajet. 
Taıaz bolǵanǵa deıin Aral teńizi kólemi boıynsha álemdegi tórtinshi úlken kól boldy. Búginde ol ekologııalyq apattyń nysanasyna aınaldy. Sý qoımasynyń keń kólemde kebýi sý kóleminiń 90% joǵalýyna ákeldi. Munyń sebebi - aımaqtyq aýyl sharýashylyǵy úshin sýdy keńinen paıdalaný. Nátıjesinde 5,4 mln gektardan astam jer tuzdy shólge aınaldy (qazaqstandyq bóligi shamamen 2,2 mln gektardy quraıdy). Sý  qoımasyn qalpyna keltirý jáne jaǵdaıdy jaqsartý boıynsha jumystar júrgizilýde, biraq problemalar mańyzdy bolyp otyr. 

Araldy Saqta tólem kartasy Aral teńizin qutqarýǵa úles qosyp qana qoımaı, onyń ıelerine birqatar artyqshylyqtar beredi. Jańa ónim qarajatty alýǵa jáne aýdarýǵa, sondaı ‒ aq depozıtte qarjyny únemdeýge jáne bankten somanyń qaldyǵyna aı saıynǵy syıaqy ala otyryp, satyp alýlardy tikeleı kartadan lezde tóleýge múmkindik beredi (somanyń qaldyǵy -100 myń teńge). Bul rette qosymshaǵa kirýge jáne aǵymdaǵy jáne depozıttik shottar arasyndaǵy aýdarymdarǵa ýaqyt jumsaýdyń qajeti joq, óıtkeni olar avtomatty túrde júrgiziledi. Karta bir ýaqytta teńgemen, dollarmen, eýromen jáne rýblmen shyǵarylady. 

Aıdos Jumaǵulov, Freedom Bank-tyń  Dırektorlar keńesi tóraǵasynyń keńesshisi:

"Aral teńiziniń qurǵaýy – Qazaqstannyń úlken qasireti. Biz sý aıdynyn qutqarýdyń mańyzdylyǵyn túsinemiz jáne barlyq qazaqstandyqtar sııaqty onyń taǵdyryna alańdaımyz. Biz Araldy qutqarýdy qoldaýǵa úles qosqymyz keldi. Sondyqtan Freedom Bank Mastercard-pen birlesip arnaıy Araldy Saqta kartasynshyǵarýǵa bastamashylyq etti. Onyń artyqshylyǵy - qaıyrymdylyq jarnasyn jasaý úshin ár ýaqytta osy uıymdardy izdeý jáne aýdarym jasaý úshin qosymshaǵa kirýdiń qajeti joq. Siz kartany bir-aq ret ashasyz da, sodan keıin árbir satyp alýyńyzdan joǵary keshbek avtomatty túrde Qazaqstandaǵy Halyqaralyq Araldy qutqarý qoryna jiberiledi. Mundaı bastamalar bizdiń ǵalamsharymyzdyń osy buryshyn bolashaq urpaq úshin saqtap qalýǵa kómektesedi dep senemiz".

Freedom Bank bul bastamany Freedom Holding Corp. pen Qazaqstandaǵy Halyqaralyq Araldy qutqarý qorynyń atqarýshy dıreksııasymen yntymaqtastyǵy sheńberinde iske asyrdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir