Foto: Egemen.kz
Jýrnalıst, quqyqqorǵaýshy Sergeı Dývanov bıyl senat 17 aqpanda Reseı men Qazaqstan arasyndaǵy áskerı seriktestik týraly kelisim-shartty ratıfıkasııalaǵanyn, onyń aıasynda Qazaqstan Reseıge shabýyl jasalsa, ásker jiberýge mindetti ekenin málim etti.
Dývanov ratıfıkasııanyń resmı nusqasynda kelisim birlesken josparlaý, memlekettiń qaýipsizdigin qamtamasyz etý sharalary, aımaqtyq qaýipsizdikke tóner qaterlerge qarsy birlesken kúres kezinde áskerı seriktestikti júzege asyrýǵa múmkindik beretinin aıtady.
"Osylaısha, Qazaqstan UQShU-dan bólek, osy kelisim-shart boıynsha da Reseıge shabýyl jasalsa, ásker jiberýge mindetti bolady" degen ol alda bolatyn jaǵdaılar soǵan alyp kelýi múmkin ekenin qaperge saldy.
"23-27 qyrkúıekte Reseı basyp alǵan oblystarda referendým (Donbasstaǵy separatıstik Lýgansk jáne Donesk respýblıkalary Reseıge qosylý týraly referendým - red) ótedi. Turǵyndar ózderine avtomat kezenip turǵandyqtan, referendýmǵa "daýys beredi". Odan keıin kelesi kúni-aq ýkraın jerleri Qyrym sekildi Reseı quramyna enip ketedi. Alaıda ýkraın kúshteriniń óz jerin jaýdan azat etý kúresi jalǵasa beredi. Al buny Kreml Ýkraına Reseıge shabýyldap otyr dep baǵalaıdy. Osy jaǵdaıda Reseıge kómek retinde Qazaqstan mindettemesin oryndaı ma? Bul óte kúrdeli másele. Qazaqstan bıligi buǵan tolyqqandy jaýap berýge tıis" deıdi Sergeı Dývanov.
Eger jaǵdaı osy ssenarıı boıynsha órbıtin bolsa, Qazaqstan ne kelisim-shart mindettemesin oryndaıdy, ne kelisim-shartty buzady, ne Donbassty Reseı jeri dep tanymaıdy. Ne de bolsa, bıliktiń aldynda qıyn tańdaý tur.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir