Shyǵys Qazaqstanda dombyra kúni toılanýda

Shyǵys Qazaqstan oblysynyń qalalary men aýdandarynda dombyra kúnine arnalǵan buqaralyq is-sharalar ótti. Shildeniń birinshi jeksenbisinde Qazaqstanda qazaq mádenıetinde mańyzdy oryn alatyn jáne ulttyq qazyna sanalatyn mýzykalyq aspap kúni atap ótiledi.

Memleket basshysy Qasym-Jomart Kemeluly Toqaev óziniń merekelik sózinde: "bizdiń elimiz úshin bul erekshe mereke, ony atap óte otyryp, biz ózimizdiń biregeıligimizdi nyǵaıtyp, halyqtyń ózin-ózi tanýyn oıatamyz. Ol Uly dalanyń ózindik dástúrleriniń tamyrlanýyna jáne óskeleń urpaq arasynda týǵan mádenıetti túsinýdi tereńdetýge yqpal etedi" degen.

Osyǵan baılanysty, elimizdiń shyǵysynda bir apta boıy shyǵarmashylyq ujymdar, balalar men eresekter dombyra kúnin merekeleýge belsene qatysty. Oblystyń ár buryshynda, aýyldyq mádenıet úılerinde, kitaphanalarda, saıabaqtar men skverlerde dombyranyń úni estildi.

- Qazaqtyń tól mádenıeti men ónerin dombyrasyz elestetý múmkin emes, osy kúnge deıin oryndalyp kele jatqan kúılerde halqymyzdyń búkil tarıhy kórinis tapqan. Jyl saıyn halqymyzdyń rýhy men minezin beıneleıtin osy aspapty tanymal etetin jas dombyrashylar, ártister kóbeıip kele jatqany qýantady. Barshańyzdy Dombyra kúnimen shyn júrekten quttyqtaımyn jáne ár otbasyǵa shyǵarmashylyq, tabys jáne amandyq tileımin, - dedi ShQO ákimi Danıal Ahmetov óziniń Instagram paraqshasynda.

Altaı aýdany Oktıabrskıı kentinde balalarǵa arnalǵan "dombyranyń uly murasy" tanymdyq-oıyn baǵdarlamasy ótkizildi, onda "Aqsaq qulan" mýltfılmi arqyly bar bolǵany eki ishek kómegimen sıqyrly kúsh ashyldy. Is-shara qatysýshylarynyń nazaryna osy mýzykalyq aspaptyń kópǵasyrlyq tarıhyn ashatyn, tanymal halyq kúıshilerimen tanystyratyn "dombyra-halyqtyń jany" kitap kórmesi usynyldy.

Is-sharada balalar qazaq halyq aspaby - dombyra týraly kóptegen jańa, qyzyqty faktilerdi bildi.

Sonymen qatar, mereke qarsańynda Glýbokoe aýdanynyń mýzyka mektepteri men ansamblderiniń oqýshylary Abaı atyndaǵy mádenıet úıinde óner kórsetip, "Úkili dombyra" festıvali ótti. Qatysýshylar ózderiniń dombyrany sheber meńgergendigin pash etti. Osyndaı is-sharalar barlyq aýdandarda ótti.

Merekeniń sharyqtaý shegi О́skemen etnografııalyq saıabaǵyndaǵy konsert boldy. Oblys ujymdary óz shyǵarmashylyqtaryn usyndy, sondaı-aq munda ataqty vırtýozdardyń qatysýymen sheberlik synyptary uıymdastyryldy.