14 Aqpan, 2024 Sport
Qazaqstanda arqan tartys federasııasy quryldy
Elimiz 2024 jyly kúzde Dúnıejúzilik kóshpendiler oıynyn qabyldaıdy. Osy turǵyda kóneden kele jatqan sportymyzdy jańǵytyp, el namysyn qorǵaıtyn qurama jasaqtalýy tıis.
wikipedia.com
Bul baǵyt álemniń 75 elinde resmı sport retinde tirkelip, júıeli jumys istep keledi. Tipti, halyqaralyq arqan tartys federasııasy da bar. Ony Halyqaralyq Olımpıada komıteti tanyǵan. Jańadan qurylǵan uıym alǵashqy resmı jarysyn da ótkizip úlgerdi. Astanadaǵy ortalyq aımaqtyq irikteýge 8 komanda qatysty. Olar erler arasynda bólek, áıelder arasynda bólek bas júldeni sarapqa saldy, dep habarlaıdy 24kz.
Jarys erejesi boıynsha 1 komandada 8 negizgi sportshy jáne 2 almastyrýshy sportshy bolady. Erler arasynda olardyń jalpy salmaǵy 720 keliden aspaýy kerek. Al áıelderde 560 keliden aspaýy qajet.
Tartysty ótken básekeler nátıjesinde erler sanaty boıynsha Ulytaýdan kelgen jigitter qarsylas shydatpaı, birinshi oryndy jeńip aldy.
Al áıelder arasynda «Astana Barys» komandasy top jardy.
I-oryn alǵan komandalar 500 myń teńge kóleminde aqshalaı syılyqqa ıe boldy.
Jańadan qurylǵan Respýblıkalyq federasııanyń prezıdenti laýazymyna Erkebulan Ilııasov taǵaıyndaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir