Qulybaev qazaqtyń sportyn qurtty – Bapı

Qazaqtyń Ulttyq Olımpıada komıtetiniń prezıdenti qyzmetine Tımýr Qulybaev kelgennen beri eldiń sporttyq jetistikterimiz quldyraı bastady, dedi depýtat Ermurat Bapı.

Bapı bylaı deıdi:

Qulybaev kelgeli Ulttyq Olımpıada komıtetiniń basshylyǵyna kileń «Eski Qazaqstannyń» ókilderi iriktelip alyndy. Onyń ishinde, bir-birine aınymas quda-jekjattar men mıllıarder kúıeýdiń olıgarh-dostary órip júr.

Sonymen qatar, komıtetke múshe bolyp saılanýǵa 70 jastyq shekteý belgilengen. Qazirgi múshelerdiń ishinen bul senzden asyp ketkender de, kúni erteń tolaıyn dep otyrǵandar da bar.

Ulttyq Olımpıada komıteti basqarýshy organynyń osyndaı shal-shaýqandar quramymen qandaı jeńiske jetýge bolady?

Tımýr Qulybaev Qazaqstannyń eń iri 50 jeke bıznesi qataryna kiretin kompanııalardyń aktıvterin ıelene otyryp, birqatar iri bıznes jobalardy baqylaıdy, Onyń ishinde: «ALMEKS» Holdıngtik toby, «Kaspıı Munaı» jáne «Retro Retail» munaı kompanııalary bar.

Mundaı shamadan tys júktememen onyń olımpıadalyq sport túrlerin damytýǵa múldem ýaqyty joq deýge bolady! Onyń oıy eldiń munaıyn satyp, qaltasyn toltyrý. Sportty qaıtsin?!

Qysqasy, komıtettiń jumysynda «Ádiletti Qazaqstan» baǵytynda transformasııa áli de júrip jatqan joq.

Aıtpaqshy,

• Tokıodaǵy sońǵy jazǵy Olımpıada oıyndarynda bizdiń sportshylar bir de bir altyn-kúmis medal alǵan joq, 8 qola medalmen qaıtty. Medal esebinde elimiz 83-shi orynǵa bir-aq tústi.
• 1994 jyldan 2014 jylǵa deıin jazǵy Azııa oıyndarynda qazaqstandyq sportshylar turaqty túrde 4-5-shi oryn alyp kelgen. Al 2018 jyly biz 9-shy orynǵa, 2023 jyly 11-shi orynǵa tústik.

Shamamen, Parıjde de osynyń kebin kııýimiz ábden múmkin.