03 Sáýir, 2024 Ekonomıka
Fotokollaj
Fýtboldan Qazaqstan chempıonatynyń 3-týry aıasynda ótken «Astana» klýby men «Elimaı» (Semeı) komandasy arasyndaǵy match áleýmettik jelide synǵa ushyrady. Jelidegi jurt membıýdjetten bólinetin qarjymen kúneltip otyrǵan qos komanda quramynyń kóbi legıoner fýtbolshy ekenine ashýly.
Bıyl Qazaqstan premer-lıgasynda 13 komanda oınap jatyr. Bul klýbtardyń keıbirin aıtpaǵanda, barlyǵy derlik memleket menshiginde. Biraq jekemenshik komandalardy da, memleket menshigindegi fýtbol klýbtaryn da jergilikti ákimdikter asyrap otyr. Memlekettik satyp alý portalynyń málimetinshe, keı klýbtyń bıýdjeti bıyl birneshe ese ósken. «Qamshy» tilshisi eldegi tanymal komandalardyń bıýdjetin sholyp shyqty.
SYNǴA UShYRAǴAN EKEÝDIŃ BIýDJETI
Taqyrypqa tuzdyq bolyp otyrǵan «Astana» men «Elimaı» arasyndaǵy oıyn 31 naýryz kúni ótti. Qos komanda da úshinshi týr aıasyndaǵy sol matchqa negizgi quramda oıyndy bastaıtyn 11 fýtbolshynyń 9 legıonerlerden shyǵarǵan. Oıyn bastalǵanda alańda ár komandadan tek eki qazaqstandyq fýtbolshydan bolǵan.
«Astana» – Qazaqstandaǵy eń tanymal klýbtyń biri. 2009 jyly qurylǵan komanda 7 ret Qazaqstan chempıony atanǵan. Eýro chempıondar lıgasynyń toptyq kezeńizde jáne Eýropa lıgasynyń pleı-off kezeńinde oınaǵan jalǵyz qazaqstandyq klýb.
El ishindegi jáne eýrokýboktardaǵy jetistigine qaramastan, komanda áli kúnge deıin ózin asyraýǵa qaýqarsyz. Klýb bıýdjeti jóninen de basqa komandalardan oq boıy ozyp tur.
«Astanany» qala ákimdigi emes, birneshe jyldan beri Sport Qory dep atalatyn qor qarjylandarady. Atalǵan qor dene shynyqtyrý men sportty damytýǵa baǵyttalǵan bıýdjetten tys qarjyny bólý jónindegi biryńǵaı memlekettik operator sanalady.
Sport Qory «Astana» fýtbol klýbyna bıyl qansha qarjy bólgeni belgisiz. Jalpy «Astananyń» bıýdjeti jaıly aqparat ashyq emes. 2022 jylǵy málimetke qaraǵanda, klýbtyń jyldyq bıýdjeti – 4,8 mlrd teńge. Bıyl komandadaǵy 18 oıynshynyń 10-y sheteldik.
Al ataqty «Astanany» syrt alańda 0-1 esebimen jeńgen «Elimaıdyń» bıýdjeti ashyq. 2022 jyly qurylǵan semeılik komanda byltyr birinshi lıgada oınap, chempıon atandy.
Klýb jeke menshiktiki. Biraq ony ákimdik asyraıdy. Ákimdik klýbqa byltyr 1,2 mlrd teńge jýyq qarjy bólgen.
Bıyl premer-lıgaǵa kóterilgen «Elimaıdyń» bıýdjeti de kóbeıdi. Memsatyp alý portalynyń málimetinshe, Abaı oblysynyń sport basqarmasy klýbqa bıyl 2 mlrd teńgege jýyq qarjy (433 mln teńgesi jastar men jasóspirimderge) bólip otyr.
Memlekettik tapsyrysta «Abaı oblysynyń atynan fýtbol komandasynyń negizgi quramyn uıymdastyrý jáne daıyndaý» dep jazylǵan. Qazir komandanyń quramynda 20 oıynshy bar. Olardyń 12-si sheteldik fýtbolshy.
ChEMPION JÁNE EKS-ChEMPIONDAR BIýDJETI
Byltyr tarıhynda alǵash ret Qazaqstan chempıony atanǵan Shymkenttiń «Ordabasy» fýtbol klýby da bıýdejeti jóninen «baı» komandalar qatarynda.
Byltyrǵy maýsymda Shymkent ákimdigi klýbtyń elishlik jáne halyqaralyq jarystarǵa qatysýyna 4,9 mlrd teńge bergen. Bıyl «Ordabasyǵa» ázirge 3,6 mlrd teńge bólip otyr. Bul – memlekettik satyp alý portalyndaǵy derek. Bul somma jyl sońyna deıin ósýi múmkin. О́ıtkeni byltyr Shymkent ákimdigi jyl ortasyna qaraı komandanyń Eýrokýboktarǵa qatysýyna dep 1,4 mlrd teńge bólgen. Bıyl da sondaı jaǵdaı qaıtalansa, klýbtyń 2024 jylǵy bıýdjeti de 5 mlrd teńgege jýyqtap qalýy múmkin.
Qazaqstannyń 5 dúrkin chempıony «Aqtóbe» fýtbol klýbyna bıyl oblys ákimdigi 2,8 mlrd teńge bólip otyr. Bul klýbtyń byltyrǵy bıýdjetinen 2,3 ese kóp. 2023 jyly «Aqtóbege» oblys ákimdiginen 1,2 mlrd teńge bólingen.
Qazaqstan chempıonatyndaǵy jekemenshik komandanyń biri – Almatynyń «Qaırat» fýtbol klýby. Sonaý sovet zamanynan beri kele jatqan komandanyń qojaıyny – Qazaqstannyń eks-prezıdenti Nursultan Nazarbaevtyń qudasy, kásipker Qaırat Boranbaev.
2022 jyly Boranbaev isti bolǵannan keıin Almaty ákimdigi klýb memleketke qaıtarý prosesi júrip jatyr degen, biraq byltyr kúzde qala basshysy Erbolat Dosaev «Qaırat» fýtbol klýby jekemenshikte qala beretinin málimdedi.
«Qaırat» – memleketten eń az aqsha alatyn klýb. Memlekettik satyp alý portalynyń málimetinshe, 2016 jyldan beri Almaty ákimdigi klýbqa 5 mlrd teńgege jýyq qarjy bólgen. Bul – «Ordabasy», «Astana» sııaqty klýbtardyń bir jyldyq bıýdjeti ǵana.
Qazaqstan chempıonatynda oınap jatqan jekemenshikke qatysy bar taǵy bir komanda – Qostanaıdyń «Tobyl» fýtbol klýby. 2016 jyly Qostanaı oblysynyń ákimdigi klýbtyń 50 paıyz aksııasyn bar bolǵany 29 mln teńgege satyp jiberdi.
Klýb jartylaı jekege ótkenimen memleketten bólinetin qarjy úzilgen joq. Degenmen azaıyp kele jatyr. 2021 jáne 2022 jyldary «Tobylǵa» Qostanaı ákimdigi 2,3 mlrd teńgeden bólgen. Byltyr 1,7 mlrd, bıyl 1,2 mlrd teńge bólip otyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir