• USD 472.68

  • EUR 466.91

  • RUB 8.01

  • CNY 66.45

05 Qazan, 08:24:03
Almaty
+9°

Búgin Almatydaǵy Jambyl atyndaǵy jasóspirimder kitaphanasynda aqyn, sazger Janbolat Qurmannyń "Qos kúreń" atty kitabynyń tusaýkeser rásimi ótti. 

"Qos kúreń" kitabynda aqynnyń ár jyldary jazǵan óleńderi toptastyrylǵan. Sondaı-aq aqynnyń bala kezinen bastap, bozbala shaǵy da, oqý oqyp, qyzmetke ornalasqan kezeńderi de kitapta syr shertedi. Atamekendi ańsaǵan qandastar taǵdyry da nazardan tys qalmaǵan.

bdj

Tusaýkeser rásimin Jambyl atyndaǵy jasóspirimder kitaphanasynyń meńgerýshisi Ǵazıza Qudaıbergen ashyp, qazirgi qazaq jastarynyń kitap oqýǵa degen qyzyǵýshylyǵy artyp kele jatqanyn aıtty. 

djbejd

– Qazir jastar arasynda jaqsy úrdis qalyptasyp keledi. Kitap oqý, kitap satyp alý trendke aınalyp keledi. Búgin kitaphanamyzdaǵy kitaptardyń qatary kóbeıdi. "Qos kúreń" kitabynyń oqyrmany kóp bolsyn, – dep izgi tilegin jetkizdi Ǵazıza Qudaıbergen.

Aqyn Dáýletbek Baıtursynuly men ádebıettanýshy, aqyn Bekqoja Jylqybekuly kitaptyń tusaýyn kesip, kesh ıesi týraly estelikterin bólisti. 

ld

– Janbolat Qurmannyń jaratylysy – aqyn. Janbolat Qurmanmen 30 jyldan astam ýaqyt tanyspyn. Ol 40 jyldan beri óleń jazyp keledi. О́leńderi "Ile" jáne "Shyńjań" gazetterine jarııalanyp otyrdy. Sodan búginge deıin óleń jazýdy tastamady. Alaıda Qazaqstanǵa kelgen soń ekonomıka salasynda bilim aldy. Bilimin jetildirdi. Keıinirek iskerlikpen, kásipkerlikpen aınalysty. Osy ýaqytqa deıin shyǵarmalary men súbeli oılaryn facebook áleýmettik jelisine jarııalap keldi. Endi, mine, 60 jasqa tolǵan kezde "Qos kúreń" kitabyn jaryqqa shyǵaryp otyr, – dedi Dáýletbek Baıtursynuly. 

Al Bekqoja Jylqybekuly aqynnyń óleńderine taldaý jasap, joǵary baǵasyn berdi. 

– Janbolat óleńderin basym bóligi jalań uıqas pen yrǵaqtan ǵana turmaıdy. Ol aıtar oı-sezim tájirıbesin sýretkerlik pen kórkem obrazdyń qaltarysyna jasyryp, oqyrmannyń qaıta jasampazdyq jaratýyna oraı qaldyrady, – dedi ádebıettanýshy.

Kesh sońynda aqynnyń sózine jazylǵan ánder shyrqalyp, óleńi oqyldy.  

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir