• USD 424.85

  • EUR 504.21

  • RUB 5.84

  • CNY 65.86

21 Qańtar, 17:38:07
Almaty
-2°

El Táýelsizidiniń 30 jyldaǵy jetistikteri týraly búgin Batys Qazaqstan oblysy aktıvinde aıtyldy. Jıynda Májilis Tóraǵasy Nurlan Nyǵmatýlın sóz sóılep, Qazaqstan Prezıdentiniń tapsyrmasy boıynsha erekshe kózge túsken batys qazaqstandyqtarǵa memlekettik nagradalardy tabys etti.

Oblys turǵyndaryn mereıtoılyq merekemen quttyqtaǵan Májilis Spıkeri, osy jyldar ishinde qol jetkizgen jetistikter – barlyq qazaqstandyqtardyń jasampaz eńbeginiń jáne el basshylyǵy bastamalarynyń jarqyn úlgisi ekenin atap ótti.

Sonymen qatar, Palata Tóraǵasy qazaqstandyqtar úshin Tuńǵysh Prezıdent – Elbasy Nursultan Ábishuly Nazarbaev eldiń serpindi damýynyń negizgi kepili ekenin jáne Elbasy ıdeıalary Táýelsizdiktiń alǵashqy kúnderinen bastap Qazaqstannyń turaqtylyǵyn qamtamasyz etkenin aıtty.

Sýretti túsirgen J.Jumabekov

– Osy jolda Memleket Basshysy Qasym-Jomart Kemeluly Toqaev elimizdiń damý strategııasyn odan ári jalǵastyryp, saıası, áleýmettik-ekonomıkalyq reformalardy júzege asyrýda. Prezıdentimiz, eń aldymen, áleýmettik qoldaýlar men daǵdarysqa qarsy sharalarǵa basa nazar aýdardy. Osy baǵytta kóp balaly analarǵa, arnaıy kómek qajet azamattarǵa qatysty áleýmettik qorǵaý sharalary qolǵa alyndy. Basqa da elimizdegi barlyq salalar boıynsha naqty qadamdar jasalýda, – dedi Nurlan Nyǵmatýlın.

Májilis Tóraǵasy Batys Qazaqstan oblysynyń áleýmettik, ekonomıkalyq múmkindigi joǵary, bereke - birligi myqty,  zamanǵa saı ósip-órkendeýdiń, damýdyń úlgisin kórsetip kele jatqan elimizdegi iri ónerkásiptik jáne agrarlyq aımaqtyń   biri ekenin aıtty. Sondaı-aq, aımaqtyń ónerkásiptik, agrarlyq jáne tranzıttik áleýetin jáne  Qazaqstannyń jańa ónerkásip salasy - áskerı keme jasaý negizderi qalanǵanyn  atap ótti.

Is-sharada elimizdiń jáne óńirdiń damýyna qosqan erekshe úlesi úshin batysqazaqstandyqtar Táýelsizdiktiń 30 jyldyǵyna oraı, Prezıdent Jarlyǵymen memlekettik nagradalarmen marapattaldy.

«Parasat» ordenimen qurylys kompanııasynyń basshysy Aleksandr Potıchenko marapattalsa, «Qurmet» ordenimen mektep-lıseı muǵalimi Olga Stolıarova, dárigerler Svetlana Esirkep jáne Álibı Tólegenov, zootehnık Maqsut Balqybaev marapattaldy. III dárejeli «Eńbek Dańqy» ordeni syrlaýshy Jańǵaq Aıbolatovqa, baqtashy Batyrǵalı Ońaevqa tabystaldy. «Eren eńbegi úshin» medalimen marapattalǵandardyń ishinde eńbek ardageri Narıman О́teshev, ınjener Flora Ponamareva bar.

Nurlan Nyǵmatýlın qazir elimiz óz táýelsizdiginiń tórtinshi onjyldyǵyna aıaq basqan kezeńde Qazaqstannyń aldynda jańa maqsattar men mindetter turǵanyn aıtyp, olarǵa qol jetkizý úshin bizde uzaq merzimdi strategııa, el basshylyǵynyń jańa bastamalary jáne barlyq qazaqstandyqtardyń jasampaz eńbegi ekenin atap ótti. 

Májilistiń baspasóz qyzmeti 

"Qamshy" silteıdi
Ilmek sózder: májilis nyǵmatýlın

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir