Zeınetaqy qoryndaǵy qarjyny alý qoljetimsiz bola tústi

2022 jyly bir jolǵy zeınetaqy tólemin alýdyń jetkiliktilik shegi 1,8 ese kóteriledi. Bul týraly Biryńǵaı jınaqtyq zeınetaqy qorynyń resmı saıty habarlady.

BJZQ málimetinshe, 2021 jyldyń qańtarynda Qazaqstan Respýblıkasynyń "Qazaqstan Respýblıkasynyń keıbir zańnamalyq aktilerine ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly" zańy kúshine endi. Zańǵa sáıkes, azamattarǵa zeınetaqy jınaqtarynyń bir bóligin turǵyn úı jaǵdaıyn jaqsartý, emdelýdiń aqysyn tóleý, sondaı-aq, jeke basqarýshy kompanııalarǵa ınvestısııalyq basqarýǵa berý úshin paıdalaný quqyǵy beriledi.

Bul quqyqty zeınetaqy jarnalaryn turaqty jáne tolyq kólemde aýdarý esebinen eń tómengi jetkilikti deńgeı sheginen asatyn jáne bolashaqta eń tómengi zeınetaqy mólsherinen kem emes zeınetaqy tólemin alýǵa múmkindigi bar salymshylar paıdalana alady.

BJZQ saıtynyń habarlaýynsha, eger bıyl 35 jastaǵy azamattar úshin shekti kórsetkish 2 940 000 teńge bolsa, 2022 jyldan bastap ol 5 060 000 teńgege deıin ósedi.

2022 jylǵa áleýmettik kórsetkishter mólsheri ulǵaıtylǵandyqtan, atap aıtqanda, eń tómengi jalaqy mólsheri 2021 jylǵy 42 500 teńgeden 2022 jyly 60 000 teńgege deıin (nemese 41%) ósti.

Biryńǵaı jınaqtyq zeınetaqy qory osyny eskerip, 2022 jylǵa tómen jınaqtyq shek mólsherin de kóbeıtken. 2022 jyldan bastap bul mólsher ár jas boıynsha tómendegideı kólemde esepteledi:

2022 jylǵa eseptelgen jetkilikti shek:

• 20 jas – 3 140 000 teńge,
• 21 jas – 3 250 000 teńge,
• 22 jas – 3 370 000 teńge,
• 23 jas – 3 490 000 teńge,
• 24 jas – 3 610 000 teńge,
• 25 jas – 3 730 000 teńge,
• 26 jas – 3 860 000 teńge,
• 27 jas – 3 980 000 teńge,
• 28 jas – 4 110 000 teńge,
• 29 jas – 4 240 000 teńge,
• 30 jas – 4 370 000 teńge,
• 31 jas – 4 510 000 teńge,
• 32 jas – 4 640 000 teńge,
• 33 jas – 4 780 000 teńge,
• 34 jas – 4 920 000 teńge,
• 35 jas – 5 060 000 teńge,
• 36 jas – 5 200 000 teńge,
• 37 jas – 5 350 000 teńge,
• 38 jas – 5 490 000 teńge,
• 39 jas – 5 640 000 teńge,
• 40 jas – 5 790 000 teńge,
• 41 jas – 5 950 000 teńge,
• 42 jas – 6 100 000 teńge,
• 43 jas – 6 260 000 teńge,
• 44 jas – 6 420 000 teńge,
• 45 jas – 6 580 000 teńge,
• 46 jas – 6 750 000 teńge,
• 47 jas – 6 920 000 teńge,
• 48 jas – 7 090 000 teńge,
• 49 jas – 7 260 000 teńge,
• 50 jas – 7 430 000 teńge,
• 51 jas – 7 610 000 teńge,
• 52 jas – 7 790 000 teńge,
• 53 jas – 7 970 000 teńge,
• 54 jas – 8 150 000 teńge,
• 55 jas – 8 340 000 teńge,
• 56 jas – 8 530 000 teńge,
• 57 jas – 8 720 000 teńge,
• 58 jas – 8 920 000 teńge,
• 59–62 jas – 9 120 000 teńge.