• USD 433.3

  • EUR 464.19

  • RUB 6.48

  • CNY 64.56

28 Mamyr, 04:41:21
Almaty
+17°

Tuńǵysh Prezıdent kúni qarsańynda otyz az qamtylǵan januıa men jetim balalarǵa Nur-Aqtóbe turǵyn úı alabynda salynǵan úıden jańa páterlerdiń kiltteri berildi. Saltanatty sharaǵa oblys ákimi Ońdasyn Orazalın qatysty.

Oblys ákimi aqtóbelikterdi kele jatqan merekelerimen quttyqtap, jańa qonys ıeleriniń úılerine tatýlyq pen molshylyq tiledi.

"Táýelsizdiktiń alǵashqy jyldary qıyndyqtar az bolǵan joq. Biz olardy Elbasynyń kóregen saıasatynyń, onyń halyqqa degen senimi men eńbekqorlyǵynyń arqasynda jeńe aldyq.

Ekonomıka nyǵaıyp, ınvestısııa keldi, kásipkerlik damydy jáne áleýmettik problemalardy sheshýge múmkindik paıda boldy. Qazirgi tańda Aqtóbede 24 myń jerlesimiz úı kezeginde tur. Memleket basshysynyń tapsyrmasymen halyqtyń ál aýqatyn kóterý jáne olardy baspanamen qamtý sharalary qabyldanýda.

Bıyl oblysta 1 mln-nan astam sharshy metr paıdalanýǵa berildi. Búgin osy úı paıdalanýǵa berilip otyr, onyń otyz páteri kezekte turǵandarǵa tıgeni qýantady. Jyl sońyna deıin Aqtóbe men oblys aýdandarynda taǵy da osyndaı úıler beriledi",- dedi O.Orazalın.

Foto: Aqtóbe oblysyıákiminiń baspasóz qyzmeti

Ulmeken Aqqasanovanyń kópbalaly januıasy baspanalaryn uzaq jyldar boıy kútken. Búginde ol keń ári jaryq úsh bólmeli páterge ıe boldy.

"Bizdiń tórt balamyz bar, úlkenim 18-de, kenjemiz 8-de. Prezıdentke, oblys basshylyǵyna rahmet aıtamyn. Buǵan deıin jaldamaly páterde turdyq, týystarymyzdy panaladyq. Ońaı bolǵan joq, endi ózimizdiń baspanamyz bar",- deıdi qýanyshymen bólisken Ulmeken Aqqasanova.

Aıta keteıik, jyl sońyna deıin oblys boıynsha birneshe ondaǵan muqtaj kópbalaly otbasyny turǵyn úımen qamtý josparda bar.

Oblys ákimi sol kúni «Zerde Keramıka-Aqtóbe» JShS-niń «Aqtóbe» ındýstrıaldy aımaǵynda ornalasqan keramıkalyq granıt pen keramıkalyq taqtaı shyǵaratyn zaýytynda boldy.

«Qazirgi tańda óndiristiń birinshi kezeńi iske qosyldy, zaýyt óz qýattylyǵynyń jartysynda jumys jasaıdy. О́nimderin satý bastaldy, 50 paıyzyna deıin Reseıge eksporttaý josparda bar. Shıkizattyń jartysy – jergilikti. Búginde 150 adam jumys isteıdi. Kelesi jyly naýryz aıynda ekinshi kezeńi júzege asyrylyp, zaýyt tolyqtaı iske qosylǵanda qyzmetkerleri shamamen 120 adamǵa kóbeıedi»,- deıdi óndiris dırektory Erlan Tileýqabylov.

Oblys ákimi quzyrly organdarǵa ımport almastyrýdy jáne eksporttyq taýarlardy óndirýdi maqsat etken kásiporyndarǵa jan jaqty qoldaý kórsetýdi tapsyrdy.
O.Orazalın: «Biz osyndaı kásiporyndardy kóbeıtýge jumystanýymyz kerek. Sol úshin memleket tarapynan tıisti qoldaý bar, memlekettik baǵdarlamalar bar»,- dep atap ótti.
Foto: Aqtóbe oblysy ákiminiń baspasóz qyzmeti

«Zerde Keramıka-Aqtóbe» JShS zaýytyn «О́nerkásipti damytý qory» AQ QR ındýstrıaldy-ınnovasııalyq damytýdyń memlekettik baǵdarlamasy aıasynda salǵan. Jylyna 5 mln m2 ónim shyǵaratyn kásiporynda Italııadan ákelingen aldyńǵy qatarly jabdyq ornatylǵan. Jobaǵa quıylǵan ınvestısııanyń jalpy kólemi - 9,2 mlrd. teńge.

Budan bólek, óńir basshysy bıyl kúrdeli jóndeýden ótken «Sazdy» mádenıet úıiniń ǵımaratyn qarap shyqty. 1990 jyly salynǵan ǵımarattyń shatyry, jylytý jáne elektrmen jabdyqtaý júıeleri almastyrylyp, qasbeti jańartyldy, aýlasy abattandyryldy.

Oblys ákimi mádenıet úıiniń qyzmetimen tanysyp, qyzmetkerleri men úıirmelerge baryp júrgen balalardy kele jatqan Tuńǵysh Prezıdent kúni merekesimen quttyqtady.

«Táýelsiz Qazaqstannyń qalyptasýynda, elimizdiń jetken jetistikterinde Tuńǵysh Prezıdenttiń róli baǵa jetpes. Osyny eshqashan umytpaı, osy shyndyqty óskeleń urpaqqa jetkizińder»,- dedi Ońdasyn Orazalın.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir