• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 17:24:28
Almaty
-1°

Bilim jáne ǵylym mınıstri Ashat Aımaǵambetov úkimet otyrysynda bıylǵy jyldyń qyrkúıek aıynan bastap oqytýshylardyń jalaqysy ortasha alǵanda eki esege jýyq kóterilgenin aıtyp, magıstranttar men doktoranttardyń shákirtaqysy artatynyn málimdedi.

– Bilim sapasy birinshi kezekte oqytýshylardyń kásibı biliktiligine tikeleı baılanysty. Sondyqtan áriptesterimiz úshin qolaıly jaǵdaı jasaý – bizdiń basty nazarymyzda. Bıylǵy jyldyń qyrkúıek aıynan bastap bizdiń oqytýshylardyń jalaqysy ortasha alǵanda 2 esege jýyq kóterildi. Oqytýshylarǵa 1 stavkaǵa mınımaldy túrde – 200 myń teńge, ǵylym kandıdattaryna – 260 myń teńge, ǵylym doktorlaryna – 350 myń teńge, ulttyq ýnıversıtter – 400 myń teńgege deıin tóleý boıynsha sheshim qabyldandy, – dedi ol.

Sonymen qatar mınıstr stýdentterdiń stıpendııasy da eki esege jýyq ósip, 2025 jylǵa qaraı taǵy da eki esege, al magıstranttar men doktoranttardyń shákirtaqysy 1,5 ese artatynyn atap ótti.

– Ýnıversıtetterdi qansha talapker tańdasa, sol mólsherde ǵana memleket tarapynan grant, ıaǵnı qarajat alady. Bizdiń memlekettik joǵary oqý oryndary jóndeý jumystaryn júrgizýge, jalaqyǵa, materıaldyq bazasyn jańartýǵa bıýdjetten tikeleı qarjy almaıdy. Olar jekemenshik ýnıversıtter sııaqty tek stýdentterdiń tańdaýyna sáıkes jan basyna shaǵyp qarjylandyrylady. Sapany qamtamasyz etý úshin basqarý júıesin tıimdiligi óte  mańyzdy. Eń iri 28 memlekettik oqý orny kommersııalyq emes aksıonerlik qoǵam retinde qaıta qurylyp, korporatıvti basqarý júıesine kóshti. Osylaısha bul oqý oryndarynda byltyrdan bastan basty sheshimderdi dırektorlar keńesi qabyldaıdy. Al rektor sol qabyldanǵan sheshimderdi iske asyrýdy qamtamasyz etedi, – dep aıtty Aımaǵambetov.

Aımaǵambetovtyń aıtýynsha, rektorlardy taǵaıyndaýdyń jańa júıesi engizilgen. Osy konkýrstyq júıe arqyly eki jylda rektorlar korpýsynyń 50 paıyzdan astamy jańartyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir