Fotokollaj
Memleket jáne qoǵam qaıratkeri О́zbekáli Jánibekovke óziniń týǵan jeri Shymkent qalasynan eskertkish ornatylmaq. Bul týraly Shymkent qalasy ákiminiń orynbasary Shyńǵys Muqan áleýmettik jelidegi paraqshasynda habarlada.
Shyńǵys Muqan eskertkish ornatý úshin baıqaý jarııalanǵanyn málim etti. Oǵan QR memlekettik syılyqtyń laýreaty Nasyr Rústemov aıaǵyn aıqastyryp, tizesin qushaqtap otyrǵan kórinisti, QR Sýretshiler odaǵynyń múshesi Erǵalı Mustafaev saıabaqta oryndyqta otyrǵanyn, sýretshi, músinshi Álimjan Abylaev músinniń turyp turǵan birneshe nusqasyn usynǵan.
Alaıda О́zbekáli Jánibekovtyń uly Baýyrjan Jánibekov músinshi Tileýberdi Bınashevke tapsyrys berip, eskertkishtiń bir nusqasyn daıyndatyp qoıǵan. Ol eskertkishtiń tuǵyrda turǵanyn qalamaıtynyn jetkizgen.
"Eskertkishtiń bıik minberde otyrǵanyn qalamaımyn. Ol kisi halyqtyń arasynda bolǵan. Kórisem dese de, kezdesem dese de, kez kelgen adamnyń qoly jetken. Sondyqtan, eskertkish adamnyń boıyndaı bolyp jasalyp, halyq kóp júretin bir saıabaqqa qoıýdy usynamyn" deıdi Baýyrjan Jánibekov.
Shymkent qalasy ákiminiń orynbasary jurtshylyqtan qaı nusqany qup kóretinin aıtýyn, pikir bildirýdi suraıdy.
О́zbekáli Jánibekovke Shymkent qalasynan eskertkish ornatý máselesin alǵash bolyp Qamshy portaly kótergen. 2020 jylǵy 28 tamyzda О́zbekáli Jánibekovke 90 jyldyǵyna oraı ózi týǵan, qyzmet etken Shymkent qalasynda eńseli eskertkish qoıýdy qozǵap, arnaıy beınematerıal áziregen.
Materıalda О́zbekáli Jánibekovtyń uly Baýyrjan Jánibekov, nemeresi Ázel Jánibekov, shákirti Bahtııar Kamalov, jýrnalıst, qoǵam qaıratkeri Marat Toqashbaev sóz sóılep, eskertkish qoıý ıdeıasynyń mańyzy men mazmuny týraly aıtqan.
Artynsha Shymkent qalasynyń ákimi Murat Áıtenovke resmı saýal joldanyp, ákimshilik tarapynan kelgen jaýapta máselege qatysty kesip eshteńe aıtylmaǵan edi. Endi mine, Qamshy portaly alǵash bolyp kótergen bastama iske asqaly jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir