Foto: Ashyq derekkóz
Soltústik jáne Ońtústik Koreıa baılanys jelilerin qalpyna keltirdi.
Jaqynda Kım Chen Yn eki jaqtyń baılanysyn qalpyna keltirýge daıyn ekenin aıtqan.
Alaıda Phenıan olardyń qarym-qatynasyn qalpyna keltirý "Ońtústik Koreıa bıliginiń kózqarasyna" baılanysty ekenin aıtty.
Soltústik Koreıa jaqynda óziniń áskerı synaqtaryn údete tústi.
Bir aıǵa jetpeı tórt zymyran ushyrý arqyly Phenıan qarý-jaraq óndirisin báseńdetýge nıeti joqtyǵyn bildirdi.
Dúısenbi kúni tańerteń Ońtústik Koreıanyń birigý mınıstrligi eki koreıalyq sheneýnikterdiń telefon arqyly sóıleskenin habarlady. Bul tamyz aıynan beri alǵash ret bolyp otyr.
"Ońtústik pen Soltústiktiń baılanys jelisiniń qosylýy arqyly úkimet koreıaralyq qatynastardy qalpyna keltirýge negiz qalandy dep baǵalaıdy" delingen mınıstrliktiń habarlamasynda.
Eki jaqtyń baılanys telefondary birneshe ret toqtatylǵan.
2020 jyly Soltústik pen Ońtústik arasyndaǵy sátsiz sammıtten keıin Phenıan baılanystardy jaqsartý úshin salynǵan koreıaralyq shekara keńsesin jaryp jiberdi.
Sol jyly Soltústik Koreıa shıelenis kúsheıgennen keıin ońtústikpen barlyq baılanys jelilerin, sonyń ishinde kóshbasshylar men áskerı baılanys arnalary arasyndaǵy senim telefonyn úzdi.
Senim telefony osy tamyzda qalpyna keltirildi, biraq Ońtústik Koreıa AQSh-pen birlesken áskerı jattyǵýlarǵa qatysqannan keıin qaıtadan úzildi.
Soltústik jáne Ońtústik Koreıa tehnıkalyq turǵyda áli de soǵysta, sebebi 1953 jyly Koreıa soǵysy aıaqtalǵan kezde beıbit kelisimge qol jetkizilmedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir