«Alǵashqy jumys orny» jobasy aıasynda júzden asa jas jumysqa ornalasty

Shymkent qalasynda jumysqa alǵash ret ornalasatyn, eńbek tájirıbesi joq jastardy qoldaý maqsatynda «Alǵashqy jumys orny» jobasy júrgizilýde.Búginge deıin jobaǵa qatysýǵa 109 jas nıet bildirip, qazirgi tańda óz mamandyǵy boıynsha túrli mekemeler men kásiporyndarǵa joldanyp, eki jylǵa turaqty jumysqa ornalasty.

Alǵashqy jumys orny jobasy - «Nátıjeli jumyspen qamtýdy jáne jappaı kásipkerlikti damytýdyń» 2017-2021 jyldarǵa arnalǵan «Eńbek» memlekettik baǵdarlamasynyń III baǵyty aıasynda júzege asyrylyp otyr. Jumyspen qamtý ortalyǵy jumys berýshilermen kelisimshart jasap, oqý ornyn endi támamdaǵan jastar 24 aı jumyspen qamtylady. Nátıjesinde jumyssyzdyq deńgeıi tómendep, jastar eki jyldyq tájirıbe men biliktiligin arttyrady.

Jalpy atalǵan jobaǵa 29 jasqa deıingi múldem jumys ótilimi joq jumyssyz jastar, onyń ishinde NEET sanatyndaǵy jastar qatysa alady. Sonymen qatar, alǵashqy jumys ornyna ornalasýǵa kóp balaly nemese az qamtylǵan otbasy múshelerine, eńbekke qabiletti múmkindigi shekteýli jandar men tehnıkalyq jáne kásiptik mamandyq ıelerine basymdyq beriledi.

Jobaǵa qatysýshynyń eńbekaqysy – 20 AEK. Halyqty jumyspen qamtý ortalyǵy jumystyń alǵashqy 12 aıdyń eńbekaqysyn sýbsıdııalaıdy.

Úmitkerler tirkelgen mekenjaıy boıynsha jumyspen qamtý ortalyǵy bólimshelerine jeke kýáligi men bilimi týraly qujat kóshirmesin tapsyryp, ótinim bere alady.