Baıden men Sı Szınpın jarty jyldan asa ýaqyttan soń alǵash sóılesti

Qytaı tóraǵasy Sı Szınpın amerıkalyq áriptesi Djo Baıdenmen telefon arqyly sóılesti. Bul – olardyń sońǵy jeti aıdaǵy alǵashqy qońyraýy.

Aq úı málimdemesinde eki kóshbasshy "básekelestik qaqtyǵystarǵa jol bermeý úshin eki eldiń jaýapkershiligin talqylady" delingen.

Bul – prezıdent Baıden qyzmetke kiriskennen beri olardyń arasyndaǵy ekinshi qońyraý.

AQSh-Qytaı qarym-qatynasy shıelenisti jaǵdaıda. Eki el arasynda saýda, tyńshylyq jáne pandemııa sııaqty máseleler boıynsha qaqtyǵystar bolǵan.

"Eki kóshbasshy keń, strategııalyq máselelerdi talqylady. Onda olar bizdiń múddelerimiz túıisetin jáne bizdiń múddelerimiz, qundylyqtarymyz ben perspektıvalarymyz bir-birinen aıyrmashylyǵy bar salalardy talqylady" delingen Aq úıdiń málimdemesinde.