Almatyda postkovıdtik ońaltý MÁMS arqasynda iske asady

COVID-19-dan saýyqqan 400-ge jýyq almatylyq medısınalyq saqtandyrý esebinen postkovıdtik ońaltýdan ótti. Bul týraly Almaty qalasynyń Áleýmettik medısınalyq saqtandyrý qorynyń dırektory Tileýhan Ábildaev О́ńirlik kommýnıkasııalar qyzmetiniń baspasóz konferensııasynda málimdedi.

Spıkerdiń aıtýynsha, Qor úshin basym mindetterdiń biri - «Kamenskoe plato» ftızıopýlmonologııa ońaltý ortalyǵynda júrgiziletin postkovıdtik ońaltý boıynsha jetkizýshiler tizimin ulǵaıtý. Almatyda 400-ge jýyq pasıent jalpy 285,4 mln teńgege koronavırýstan keıin emdeldi.

«Búgin biz postkovıdtik ońaltý boıynsha jetkizýshilerdi, sonyń ishinde jeke jetkizýshilerdi tartý boıynsha jumys jasaımyz. Atap aıtqanda, aımaqtyq komıssııa ońaltýdyń osy túrine qatysý úshin kezekti konkýrs jarııalady. Aldyn ala málimetter boıynsha, Almaty qalasynda postkovıdtik ońaltý boıynsha jetkizýshiler tizimi eki sýbektige deıin ósti», - dedi T. Ábildaev.

Sonymen qatar, konsýltasııalyq-dıagnostıkalyq kómek kórsetý úshin medısınalyq uıymdarǵa shamamen 8,9 mlrd teńge tólendi. Olardyń ishinde KT men MRT barynsha suranysqa ıe.

Birinshi jartyjyldyqta Almatyda 386,6 mln teńgege 30 468 KT qyzmeti, shamamen 400 mln teńgege 29 789 MRT qyzmeti kórsetildi. 767,7 mln teńge somasynda onkologııalyq isikterdi anyqtaý boıynsha 3040 PET-dıagnostıkasy júrgizildi.

MÁMS júıesi aıasynda josparly skrınıngtik tekserýlerden ótýge 508,3 mln bólindi.