• USD 424.85

  • EUR 504.21

  • RUB 5.84

  • CNY 65.86

16 Qazan, 02:45:35
Almaty
+4°

B. Saǵyntaev jumys sapary kezinde seısmıkalyq kúsheıtý men jańa korpýstardyń qurylysy aıaqtalýy jaqyn qalǵan jańarǵan mektepterdi tekserdi. Qala ákimi bilim berý mekemeleriniń sanıtarlyq qaýipsizdigin qamtamasyz etýdi de tapsyrdy.


Almaty ákimi Baqytjan Saǵyntaev I.V. Panfılov atyndaǵy №54 qazaqstandyq-reseılik mamandandyrylǵan mektep-lıseıdiń ǵımaratyn seısmıkalyq kúsheıtý barysymen tanysty. Kúrdeli jóndeý kezinde 1938 jyly salynǵan ǵımarattyń tarıhı qasbeti qalpyna keltirilip, ashyq sport alańy jańartyldy. B. Saǵyntaev jumystyń tez aıaqtalýyn jáne mekteptiń ýaqytynda paıdalanýǵa berilýin qamtamasyz etýdi tapsyrdy.

Orbıta-1 shaǵyn aýdanyndaǵy №60 mektep-gımnazııada 600 oryndy jańa korpýs salyndy. Bul osy mekteptegi oqýshy ornynyń tapshylyǵyn joıýǵa múmkindik berdi. Budan ózge, mektep aýmaǵynda jańarǵan sport alańy salyndy. Sonymen, burynnan bar sport zaldy eskersek, endi jańarǵan mektepte eki sport zal men ashyq sport alańy paıda boldy.

Aıta keterligi, Almatydaǵy 207 jalpy bilim beretin mektepterdiń barlyǵy sport zaldarmen 100% qamtamasyz etilgen. Sondaı-aq bıyl 33 mektep stadıonyn modernızasııalaýǵa 1 mlrd teńge bólindi. Orta bilim berý júıesinde 110 myń balany qamtıtyn 3 721 sport seksııasy jumys isteıdi.

Sonymen qatar, memlekettik-jekemenshik áriptestik jobasy aıasynda bilim berý mekemeleriniń 8 sport alańy qaıta jańǵyrtylýda. Buǵan deıin MJÁ jobalary aıasynda eki mektep aýmaǵyndaǵy sport alańdary jańarǵan edi.

Qala ákimi B. Saǵyntaev oqýshylar arasynda koronavırýstyq ınfeksııanyń taralýyn boldyrmaý úshin mektepterdiń sanıtarlyq qaýipsizdigin qamtamasyz etýdi tapsyrdy. Densaýlyq jaǵdaıyna baılanysty emdeletinderdi qospaǵanda, memlekettik bilim berý uıymdarynyń barlyq qyzmetkerleri 100% vaksınalanǵan.

Dástúrli bilim berý formatyna kóshý úshin mektepterde, balabaqshalarda, ınternattarda koronavırýstyq ınfeksııanyń taralýyn boldyrmaý sharalary júrgizilýde. Barlyq uıymdar jýǵysh jáne dezınfeksııalyq quraldarmen, sondaı-aq antıseptıktermen jabdyqtalǵan.

Oqý barlyq sanıtarlyq-epıdemıologııalyq talaptardy saqtaı otyryp uıymdastyrylady, onyń ishinde termometrııa, vızýaldy tekserý, efır, kvars. Oqýshylar aǵyny bastaýysh, orta jáne joǵary býyn bolyp bólinedi.

B. Saǵyntaev sonymen qatar Qonaev kóshesi, 127 mekenjaıdaǵy 3 jasqa deıingi balalardyń erte aralasýyna arnalǵan ońaltý ortalyǵynyń ǵımaratyn rekonstrýksııalaý jobalarymen tanysty. Munda týa bitkennen bastap bir jasqa deıin týa bitken jáne tuqym qýalaıtyn aýrýlary bar balalar baqylanyp, ońaltýdan ótedi. Jobanyń basty maqsaty – balalar arasyndaǵy aýrýshańdyq pen múgedektikti tómendetý.

Qala ákimi Qonaev kóshesi, 122 mekenjaıdaǵy ǵımaratty da qarap shyqty. Buryn munda qalalyq Áleýmettik ál-aýqat basqarmasy ornalasqan bolatyn, basqarma Áleýmettik qyzmetter úıine kóshken edi. Endi nysan 18 jastan asqan múgedekterge arnalǵan kópsalaly ońaltý ortalyǵyna jáne aýtızmi bar balalarǵa qoldaý kórsetý ortalyǵyna aınalady. Jobany qazan aıynda aıaqtaý josparlanǵan.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir