• USD 465.38

  • EUR 483.58

  • RUB 7.69

  • CNY 64.95

26 Qarasha, 17:23:44
Almaty
-2°

«Nurly jer» memlekettik baǵdarlamasynyń «Baqytty otbasy» baǵyty boıynsha 186 shymkenttik tólem qabilettigin rastaǵan. Onyń ishinde 68 azamatqa (sertıfıkat shartyna sáıkes kelgen) bastapqy jarnasyn tóleýge mıllıon teńgelik sertıfıkat berildi. Bıylǵy jospar boıynsha jyl sońyna deıin atalǵan baǵytta 589 azamat nesıelik baspanaǵa qol jetkizbek.

«Otbasy bank» jarııalaǵan aqparattarǵa sáıkes, 2021 jyldyń 12 sáýir men 25 mamyr aralyǵynda Otbasy banktiń www.hcsbk.kz saıtynda ótinim berip, negizgi tizimge ótken, alaıda tólem qabilettiligin rastamaǵan qatysýshylardyń barlyq ótinimderi 2021 jyldyń 17 tamyzynda joıylyp, rezervtik tizim qaraýǵa alynǵan bolatyn.

Atalǵan baǵyt boıynsha ótinimi maquldanǵan azamattar jańa nemese ekinshi naryqtan ózderine baspana izdeýde. Aıta ketý kerek, turǵyn úı izdeý merzimi nesıe maquldanǵan sátten bastap 6 aıdy quraıdy.

«Baqytty otbasy» baǵdarlamasynda jyldyq mólsheri 2 paıyzdan aspaıtyn, alǵashqy jarna 10 paıyzben, 20 jylǵa jańa nemese ekinshi naryqtaǵy turǵyn úılerdi satyp alý múmkindigi qarastyrylǵan. Eger azamattardyń aı saıynǵy tabys kózi jetpeı jatqan jaǵdaıda, týysy nemese jaqyny kepil bola alady. Sondaı-aq «Baqytty otbasy» baǵytyna qatysýshylar turǵyn úı sertıfıkatyna ótinim joldaı alady.

Bıyl bul baǵytqa qatysýǵa úlgermeı qalǵan turǵyn úı kezeginde turǵan -tolyq emes, kópbalaly jáne múgedek bala asyraýshy otbasylar sanatyndaǵy azamattar 2022 jylǵa bólinetin lımıtke sáıkes «Otbasy bank» arqyly kelesi jyly ótinim bere alady

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir