Memlekettik grant ıegerleriniń tizimi qashan shyǵady? Mınıstr jaýap berdi

Memlekettik grant ıegerleriniń tizimi qashan shyǵatyny belgili boldy. Bul týraly bilim jáne ǵylym mınıstri Ashat Aımaǵambetov Tengrinews.kz portalyna bergen suhbatynda aıtty. 

– Biz daıyndalyp jatyrmyz. Bilim berý granttaryn taǵaıyndaý jónindegi respýblıkalyq  komıssııanyń otyrysy ótip jatyr. Tamyzdyń 15-ne deıin bul jumys aıaqtalady. Sodan keıin ádettegideı taǵaıyndaý qorytyndysyn jarııa etetin bolamyz,– dedi mınıstr. 

Aıta keteıik  bıyl memlekettik granttardyń jalpy sany 5 myńǵa artty. Byltyr granttardyń sany 51 myń bolsa, bıyl 56 myńǵa deıin kóbeıdi.   

Osy jyly bilim berý granttaryn taǵaıyndaý konkýrsyna qatysýǵa 75 myńnan astam ótinim berilgen.  Bul 2020 jylmen salystyrǵanda 13 myńǵa artyq ekenin kórsetedi.