Janbolat Mamaı: Abzalǵa moraldyq qysym jasalyp jatyr (vıdeo)

Tirkelmegen Demokratııalyq partııa ókilderi Almaty qalasy polısııa departamenti ǵımaratynyń aldynda qamaýda jatqan jaqtastary Abzal Dostııarovty bostandyqqa shyǵarýdy talap etip, ashtyq jarııalaǵanyna 3 kún bolyp qaldy. Olar tek sý ishedi, kezektesip uıyqtaıdy. Narazylyq aksııasy jalǵasqan 3 kúnde keıbiri daladaǵy oryndyqtarda, keıbiri avtokólikte uıyqtaǵan. Belsendiler polısııa ózderin qýýyǵa tyrysqanyn, ara-tura olarmen qaqtyǵysyp qalǵanyn aıtady. Sondaı qaqtyǵystardyń birinde búgin belsendiler Arýjan Dúısebaeva men Gýlnara Mırmanbaeva jaralanyp, olardy jedel járdem kóligi alyp ketken.

"Dempartııa" belsendisi Abzal Dostııarov 14 shildede "usaq buzaqylyq" baby boıynsha 6 táýlikke qamalǵan. Keıin qamaý merzimi bir kúnge qysqartylyp, belsendi 19 shildede bosap shyǵýǵa tıis edi. Biraq sol kúni keshke sot ótip, Dostııarov taǵy 15 kúnge qamalǵan. Janbolat Mamaı muny belsendige jasalǵan moraldyq qysym dep sanaıdy.